ФУТБИГ арнасына тіркеліңіздер
ФУТБИГ арнасына тіркеліңіздер!
Телеграм: t.me/futbigkz
200 000 теңгеге дейін бонус алғыңыз келсе, FUTBIG промокодын теріңіздер. Сілтемесі пікірде
Меккедегі РОНАЛДУДЫҢ бақытты күні / МЮ қатты өкініп қалды
Әл-Уәхдә Мекке - Әл-Наср Әр-Рияд 0:4
Сауд Арабиясының Про Лигасында Әл-Наср 16-шы турда үйде мықты ойнатын “Әл-Уәхдәға” қарсы өнер көрсетті. Матчқа дисквалификация алған Талиска қатыспады. Негізгі құрамда Роналдуға көмекке өзбекстандық шабуылшы Жалолоддин Машарипов шықты. Ол сол қапталда ойнады. Оң қанатта Абдулрахман Гариб доп тепті.
Меккенің командасы айтарлықтай мықты емес. Әл-Уәхдә маусым соңында жоғары дивизионнан ұшып кетуі мүмкін. Бірақ оны тым әлсіз деп те айта алмаймыз. Әсіресе, меккеліктер үйде мінсіз ойнайды. Осыған дейін Әбділ Әзиз стадионында жергілікті команда бір-ақ рет жеңілген. Ал голдарды тіпті сирек өткізген.
Дегенмен кеше Роналдудың жалғыз өзі Аттияхтың қақпасына төрт гол соғып тастады. Енді Рон Лиганың ТОП-10 сұрмергендерінің тізімінде. Бомбардирлер көшін әріптесі Талиска бастап тұр. Ол 12 гол соғып, алысқа кетіп қалған. Жарысқа жарты жолдан қосылған Криштиану Роналду бәрібір оған жетіп алатынына күмәніміз жоқ. Роналду маусым соңына дейін неше гол соғады деп ойлайсыздар? Міндетті түрде пікір жазып кетіңіздер. Біз бәрін оқып шығамыз және әрбір қызық комментарийге лайк басамыз. Дәл қазір ерінбей, пікір қалдырыңыздар.
Манчестер Юнайтед - Лидс 2:2
Криштиану Роналдудың бұрынғы командасы “Олд Траффордта” “Лидске” қарсы ойнады. Бұл ойын сәрсенбіде өтті. АПЛ-дың сегізінші турының кейінге қалдырылған кездесуінде МЮ жеңіске емін-еркін жетуге тиісті көрінген. Дегенмен бапкерін ауыстырған Лидс ойынның 55-ші секундында-ақ есеп ашты. Лидсті дербиге дейін америкалық Джесси Марш баптап келген. Бірақ АПЛ-да оның жолы болмады. Ал кезінде РБ Зальцбургта тәп-тәуір қызмет еткен. Футбол әлеміне Эрлинг Холандты сыйлаған.
Бірақ Марштың Лидсі чемпионатта соңғы орынға түсіп кетуге жақын қалған. Әсіресе сырт алаңда павлиндер тым нашар ойнайтын. Марш кеткен соң, Лидс қонақтағы бірінші ойынында-ақ мықты өнер көрсетті. Екінші таймның басында ақ раушандар 2:0 есебін таблоға таңбалады. 48 минутта Рафаэль Варан қақпасына гол соғып алды. Олд Траффордта жеңілу дегенді ұмытқан Эрик Тен Хагтың командасы бұл қиын жағдайды түсінбей дал болды. Дегенмен манчестерліктер таразы басын теңестіруге күш тапты. 62 минутта Маркус Рэшфорд, ал 70 минутта Джейдон Санчо ерекшеленді. Санчоның ойынға қайта оралғанын көріп, қатты қуандық.
Тен Хагтың ұжымы биыл чемпиондыққа таласуды қаласа, мұндай матчтарда жеңіске жетуі керек. Әйтпесе, бірінші орынға көтерілуді армандамаса да болды. Абырой болғанда, қызылдар кішігірім камбэк жасай алды. Бірақ қарсыласқа бір ұпайды қолдан беріп қойды. Шамасы, Каземироның жоқтығы тағы әсер еткен болар. Бразилиялық футболшы Кристал Пэласқа қарсы ойында қызыл қағаз алып, командасын тығырыққа тіреген.
Марсель 2:1 ПСЖ
Лео екінші жыл қатарынан Франция кубогынан ұшып кетті. Аргентиналық футболшы әдетте қатысқан барлық турнирлерінде чемпион атанады. 2022 жылы Әлем чемпионатын да бағындырғаны - осы сөзімізге дәлел. Дегенмен, Месси Франция кубогын көкке көтере алмай кетті. Өзі қатысқан, бірақ ұтпаған жалғыз турнир осы.
ПСЖ келесі кезеңге өтуі мүмкін болған. Алексис Санчестің пенальтиден соққан голына, ПСЖ-ның негізгі құрамына қайта оралған Серхио Рамос жауап қатқан. Рамос 45 плюс 2 минутта есепті тең қылды. Алайда 57 минутта украиналық Руслан Малиновский ел сирек көретін сұмдық голды салды. Малиновский Джанлуиджи Доннарума қорғаған қақпаның торын жыртып жіберердей болды. Бес жыл бойы Марсель Велодромда ПСЖ-ның қақпасына гол енгізе алмай жүрген-ді. Кешегі Ле Классикте 2 гол соқты да, ширек финалға жолдама алды.
Әл-Әхли - Реал Мадрид 1:4
Әл-Наср, Манчестер Юнайтед және ПСЖ сияқты клубтар мидуикте елдегі мәселелрін шешіп жүргенде, мадридтің Реалы клубтар арасындағы Әлем чемпионатында бақ сынауда. Карло Анчелотти үшін бұл күтпеген жерден аса маңызды турнирге айналды. Себебі Папа Карло Әлем чемпионатын бағындырмаса, Реалдан кетеді деген ақпарат тарап жүр. Сондықтан король клубы Египеттің Әл-Әхлиіне қарсы барын салды. Мысырлықтар пенальтиден соққан голға, Винисиус Жуниор, Федерико Вальверде, Родриго және 21 жастағы Серхио Аррибас жауап берді. Аррибас ойынға шыға салып ерекшеленді. 98 минутта испаниялық шабуылшы қосалқы құрамнан шықты да, 18 секундтан кейін гол соқты.
23 сен 2024