Мени ташлаб кетишганда, мен ҳам синганман
Биласизми, ҳаётимда кимдир чиқиб кетган пайти жуда ҳам хафа бўлганман. Шундай вақтлар бўлганки, ҳатто бу ҳолатлар мени синдирган.
“Қайта тура олмайман” деган ҳолатлар ҳам бўлган, лекин яқин йилларда ўзимга бир инсонни топдим. Айнан уни кимлигини яхшилаб ўргандим. Айнан у қандай эканлигини, уни қайси ҳолатда, у қандай бўла олишини тушуниб етишни бошладим. Бу ҳам бўлса биласизми ким?
Бу «асл ўзиммам» яъни «менман». Қачонки мен ўзимнинг менимни топганимда, ёлғизликдан қўрқмасликни бошладим. Мени синдирган нарсаларнинг ҳаммаси, у ёлғизликдан қўрқишим бўлган экан.
Аслида асл ўзимни, Аллоҳнинг нафаси эканлигимни, ичи тўла меҳр, ичи тўла муҳаббат эканлигини ва мени ягона қўллаб турувчи юқори куч борлигини ҳис қилишни бошлаганимда, мен буни ҳаммасига оддий қарашни бошладим.
Агар бугун ҳаётингизда кимдир чиқиб кетган бўлса, азоб чекаётган бўлсангиз бу сизга бахтдир. Ўзингизни топишингиз керак. Демак бу сизга имконият, ўзингизни ҳақиқий кимлигингизни билишингиз учун. Ҳеч ҳам қайғуга тушманг!
22 сен 2024
