"Мені сүйген бір адам бар жалғанда"🌸 

Мені сүйген бір адам бар жалғанда,
Еске түсер сырлы әндерге салғанда.
Алыстағы сол Досымды аңсаймын,
Жақындағы жаттан көңіл қалғанда.
Мені сүйген бір адам бар шалғайда,
Еске түсер әр жағдайда, әр қайда,
Сағынғанда салып ұрып барар ем,
Сараң дүние-ай апаратын жол қайда?!
Мені сүйген бір адам бар өмірде,
Көгершіндей ұя салған көңілге.
Қиялымда қанша барып қайттым мен,
Қияндағы қимас жүрген өңірге.
Мені сүйген бір адам бар жырақта,
Жүрген шығар әркімдерден сұрап та.
Тауқыметін таусылмаса, маған бұр,
Тәңірім, тек сол адамды жылатпа.🥀