Чинот на монашки потстриг на браќата Елисеј, Пантелејмон и Евстатиј, на Вечерната богослужба во Бигорски, на празникот Усекновение на Главата на Чесниот Пророк Претеча и Крстител Господов Свети Јован, 10 септември 2024.
„Монаштвото е плот од плотта на Црквата, динамичен израз на аскетскиот дух и на есхатолошкиот стремеж на нејзиниот живот. Посветени со душа, со ум и со тело кон Христа, ’туѓинци и странци во овој свет‘, ’претворајќи ги ноќите во денови, живеејќи во благодарност и псалмопение‘, ’барајќи го она што е горе‘, монасите со упорност и со трпение тропаат на вратата на вечното Царство, според Господовата реч: ’секој кој моли, добива; кој бара, наоѓа, и на оној кој чука, ќе му се отвори‘ (Матеј 7,8). Значајно е што безброј верници наоѓаат во светите манастири одговори на своите егзистенцијални потраги, утеха и одмор, ја откриваат вистината на животот посветен на Христос, на молитвата и на божественото богослужение, на почитта кон Божјото создание и на значењето на евхаристиското ползување на тоа создание. Монаштвото придонело за создавање на висока култура на богопознание и на човекопознание, на заедница на животот, на теологија и вдахновена мудрост, на чудата на славословната уметност, на иконографијата, на химнографијата, на псалмопението и на црковната архитектура. Навистина, една жива Црква е незамислива без монаси“.
- Патријарх Вселенски г. г. Вартоломеј
bigorski.org.m...
18 сен 2024
