Ўзбекистон Республикаси Соғлиқни Сақлаш Вазирлиги ҳузуридаги тиббий ижтимоий хизматлар Агентлиги Поп мурувват ногиронлиги бўлган шахслар учун эркаклар интернат уйидан видеорепортаж
Қайсики мамлакатда биргина ногирон бола дунёга келса, ўша мурғак жоннинг дардини Аллоҳ таоло унинг ота-онаси, маҳалласи, борингки, бутун жамият учун синов қилиб юборган бўлади.
Бунда инсонларнинг Аллоҳ таоло берган дардга нисбатан муносабати қандай бўлади? Жамият аъзолари ўша кўнгли ярим, яъни жисмида нуқсони бор болага Ўзи таълим берганидек, меҳр-мурувват кўрсата оладими; унга жамиятнинг бошқа аъзолари каби муносабат кўрсатиб, таълим-тарбия бериб, ўқитиб-ўргатиб, соғлигига тўғри келадиган ҳунарга йўллаб, жамиятнинг тўлақонли аъзолари сафидан жой ола билишини таъмин эта оладими? Ана шу масалалар устида синовдамиз, азизлар.
Биз, аслида, ногиронларга меҳр-мурувват кўрсатиб, уларга сирдош, дилдош бўлиб, қўллаб-қувватлаб турган ҳолимизда Раббимизнинг зиммамизга юклаган амалларидан бирини бажараётган, яъни ўзимиз учун ажру савобларга эришётган бўламиз.
Мана, биз бандаларга меҳрибон Парвардигоримизнинг марҳамати!
Маълумки, Президентимиз Шавкат Мирзиёев “Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида”ги Фармонни имзолади.
Фармонга кўра “ногирон” тушунчаси муомаладан чиқарилди ва унинг ўрнига “ногиронлиги бўлган шахс” атамаси муомалага киритилди ва айнан шу ҳужжатга мувофиқ “Ногиронлиги бўлган шахсларнинг ҳуқуқлари тўғрисида”ги Қонун лойиҳаси ишлаб чиқилди.
Ушбу фармоннинг замирида ҳикмат - ногирон кишиларнинг сифатини айтганда, уларнинг кўнглини ўкситмаслик учун ушбу атама Давлат раҳбарининг фармонида ўзгартирилиши давлатимизнинг ушбу тоифага эътибори қанчалик баландилигининг яққол намунасидир.
"Shoh Lomak" ижодий жамоаси билан алоқа учун +998909037568 - телеграм рақамига хабар йўлланг.
15 мар 2021
