АУЫЛДАСТАРЫМ ОСЫНДАЙ
2024 жылдың 24 наурыз күні Әз-Наурыз мерекесі қарсаңында М. Шәменов ауылында ұлттық спортқа жанашыр азаматтардың ұйымдастыруымен думанды той өтті.
Ұлыстың ұлы күні қарсаңында тай бәйге, құнан бәйге және тоқ бәйге ұйымдастырылып, 30 ат қатысқан жүйріктер бәйгесінде топ жарған азаматтарға қаржылай сыйлықтар табысталды.
Бәйгенің соңы көптің назарын аударған көкпарға ұласып, тойханадан 30 салым аталып, үздік палуандар марапатталды.
Дәстүрге айналған Әз-Наурыз мерекесі ауыл азаматтарының, бірлігін, достығын, татулығы мен туыстығын көсетер керемет бастамаға айналды.
Алысты-жақыннан жиылған ауылдастардың арасынан, тойлық ретінде аталған қаржылай сыйлықтарда тойдың берекесін келтірді. Болымды іске бастамашыл болған ауылдың атшабар азаматтарына алғыс білдіремін. Жақсылыққа жұмыла білген жомарт жандар аман болсын!
28 сен 2024
