#ОАВ биз ҳақимизда
Давлат тиббий суғуртаси жамғармаси юртимиздаги давлат ва нодавлат тиббиёт муассасалари билан шартнома асосида кенг қамровли ҳамкорликни йўлга қўйган. Улар орасида Академик В.Вахидов номидаги республика ихтисослаштирилган хирургия илмий-амалий тиббиёт маркази ҳам бор.
- Икки йилдан буён жигаримда жиддий хасталик борлигини билардим, лекин юқори технологик жарроҳлик амалиёти учун етарли маблағимиз йўқлиги сабаб муолажалар билан чекланардим, -дейди Андижонлик 28 ёшли бемор Бобур Алихонов. - Ҳаттоки, ўзимизда бундай операциялар бажарилишини ҳам билмаган эканман. Хориждан суриштириб юргандик. Оилавий шифокор бизга тиббий суғурта ҳақида, давлат биз каби инсонларга ғамхўрлик қилиши ҳақида айтганда рости ишонмадим. Бироқ, буларнинг ҳаммаси рост экан. Шифохонага келдим, операция ҳам бўлдим, бир неча кундан кейин уйга кетаман. Ҳаммаси учун Давлатимиз раҳбаридан ҳамда Давлат тиббий суғуртаси жамғармасидан миннатдорман.
МАЪЛУМОТ УЧУН: Жорий йилнинг 10 июль ҳолатида Академик В.Вахидов номидаги республика ихтисослаштирилган хирургия илмий-амалий тиббиёт марказида ўтказилган юқори технологик жарроҳлик амалиётлари учун 31 миллиард сўмдан кўпроқ маблағ тўлаб берилди.
👉Батафсил СЕВИМЛИ ТВнинг "Замон" кўрсатувида.
©️Давлат тиббий суғуртаси жамғармаси Матбуот хизмати
8 июл 2023
