Болбосо да бир конушташ айылым,
Сары алтын деп санаа менен байыдым.
Качан болсо ,карааныңа теңеймин.
Капчыгайдын суу бойлогон кайыңын.
Элестериң эзип ичти бук кылат,
Эриндериң шилекейди жуткурат.
Экөөбүз тең көңүл ачык элденбиз.
Сүйчү болсоң сүйгүн жаным мыктылап.
Пайдалангын таалай берген белектен,
Сен да өтөсүң, жигит да өтөт сени өпкөн.
Өмүр бою соолбогон гүл болобу,
Гүлдү ыргытат чыгып калса керектен.
Ойлон алтын бирөө байкоо
салабы,
Сары жалбырак самсааласа теректен.
21 авг 2024