Касиеттүү Курандагы Зайтун сүрөсүндө, айрым тафсирчилердин пикири боюнча үч тоого ант ичилет. “Ва тиин” деп айтуу менен Пайгамбарыбыз сав.га биринчи вахий келген Хира тоосуна, “Ва зайтун” сөзү менен Иса ас.га вахий келген Кудустагы Зайтун тоосуна, “Ва туру синин” сөзү менен да Муса ас.га вахий келген Сина тоосуна ишаарат кылат. Бул тоолорго ант ичилгенден кийин “Ва хаазал баладил амиийн” б.а. “Мына ушул бейпил шаарга ант!” деп, Мекке шаарын айтат. Ыйык Куран китеби бул аят менен Меккенин кыяматка чейин ишенимдүү, бейпил шаар болоорун кабар берүүдө. Бирок Сина тоосу жайгашкан Мысыр жана Зайтун тоосу жайгашкан Кудус шаарлары тилекке каршы ишенимдүү, тынч шаарлардын катарына кирбейт. Муну менен Аллах Таала бизге Кудуста кыяматка дейре жихад уланаарын назарыбызга сунууда.
21 авг 2024