Олунньу 27 күнүгэр Д.Д. Оллонов аатынан орто оскуолаҕа Танда үрэх сүнньүн оскуолаларын 3-4 кылаастарын икки ардыларыгар 10-с төгүлүн “ПАТРИОТ” диэн байыаннай-патриотическай оонньуу ыытылынна. Бу күрэх Түүлээх орто оскуолатын алын сүһүөх кылаастарын учуутала Винокурова Елена Михайловна авторскай проега. Күрэҕи Түүлээх оскуолатыгар өр сылларга ОБЖ учууталынан үлэлээбит Николай Семенович Турантаев иилээн-саҕалаан ыытта. Дьүүллүүр сүбэҕэ оскуолалартан ОБЖ уонна физкультура учууталлара үлэлээтилэр.
Күрэх балаһыанньатын быһыытынан хамаанда 7-лии киһиттэн тутулуктаах буолуохтаах.
Бастакы этап ”Стройу уонна ырыаны көрүү”
Иккис этап “Военизированнай эстафета”
Үһүс этап “Автоматы хомуйуу, ыһааһын”
Төрдүс этап “Ботуруоннары хомуйуу”
Бэһис этап “Эмсэҕэлээбиккэ көмө”
Алтыс этап “Гранатанан сыалы быраҕыы”
Сэттис этап “Пневматиканан ытыы”
Ахсыс этап “Канат тардыһыыта”
Бу этаптар түмүктэринэн IV-с миэстэ В.Д. Лонгинов аатынан Бээрийэ орто оскуолатын “Соколы России” хамаандата, хамандыыр Васильева Юлиана; III-с миэстэ И.С. Колодезников аатынан Тиит-Арыы ситэтэ суох орто оскуолатын ”Дьулуур” хамаандата, хамандыыр Аргунова Айсена; II-c миэстэ М.Н. Готовцев аатынан Танда орто оскуолатын “Орлан” хамаандата, хамандыыр Готовцев Демит; I-кы миэстэ Д.Д. Оллонов аатынан Түүлээх орто оскуолатын “Звезда” хамаандата, хамандыыр Васильев Айдын.
Күрэх түмүгүнэн “Лучший командир” - Васильева Юлиана, “Знаток автомата”- Васильев Айдын, “Лучшая санитарка” - Винокурова Милена (Түүлээх), “Меткий стрелок” - Васильев Айдын, “Лучший бронебойщик”- Киренскай Кирилл (Түүлээх), “Самый ловкий” - Готовцев Демит, “Юный армеец” - Аргунова Айсена анал ааттарга тигистилэр.
Танда нэһилиэгиттэн төрүттээх Россия, ДНР геройа Алексей Михайлович Неустроев “Бэргэн ытааччы” анал аата, педагогическай үлэ ветерана, сэрии сылларыгар Түүлээх оскуолатын военругунан үлэлээбит Николай Васильевич Ушницкай кыыһа Винокурова Айталина Николаевна олохтообут анал бирииһэ Айдын Васильевка тигистэ.
Үбүлүөйнэй сылга буклеттары Варвара Николаевна Петухова таҥан оҥордо. Маны таһынан кыттар школалар админстрациялара 3000 солк. кыттыһан РИМ рекламнай компанияҕа кубоктары, статуэткалары, медаллары, юбилейнай значоктары оҥотторбуттар.
26 фев 2024
