КАВКАЗ ТАУЛА
Музыка и стихи Узденова Абугалия
Ой, Кавказ таула, мийик, ариула,
Бизни деменгили къалабыз.
Биз да, ой, джылайбыз, сиз да, ой, джылагъыз.
Сизден айырылыб барабыз.
Узакъ айырылыб, кетиб а барабыз,
Ёмюрлюк джашагъан тауладан,
Биз ёлгенлеге уа бошунаджылайбыз,
Ала насыблыдыла сауладан.
Ыстауат сакълагъан бизни итлерибиз,
Ызыбыздан къараб улуйла.
Джарым сагъатха уа уллу Къарачайымда
Къаллай джарыкъ элле къуруйла.
Ийнеклерибиз а къалыб а кетдиле,
Эшиклери ачылмай, ёкюре.
Машинагъа миниб, кетиб а барабыз
Ызыбызгъа къараб, ёкюне.
Москвадан келген къызыл командирле,
Тёгерекни алыб, санайла.
Бу къыйынлыкъны уа бизге джетгенине
Ташла, таула бары джылайла.
Ала уа джыламай, къалай а этсинле,-
Кетдиле дууачы къартлары.
Къазахстанда джангыз бир джылгъа болгъанды
Бу джарлы къартланы артлары.
Бизни къартларыбыз джаталла, ой, Аллах.
Алай-джаназысыз, дууасыз.
Межгитлерибиз а къалыб а кетдиле.
Ма бу байрым кюнде джумасыз.
Бери келгенли уа бир кёб а болгъанды,
Ой, Аллах, джюрек джарала.
Аналары ёлген ёксюз сабийлени
Мында казнагъа да алалла.
Айтыр сёзлерим а, ой, бир да кёбдюле.
Айтып къолумдан а келмейди.
Мында аджалсызлай кёпле ёлгендиле,
Туугъан джерибизге термиле.
#карачай #балкария #эльбрус #восхождение #карачаевск #депортация #народ
26 янв 2024
