Қарқаралы ауданының тумасы, Қазақтың Халық әртісі,Мем сыйлықтың лауреаты,әнші, театр,кино актриса Рахия Рысбайқызы Қойшыбайдың (1916-1963) орындауында : " Гүлдер-ай " 1-түрі (Халық әні)
Қыз күніндегі тегі Оспан,тұрмысқа шықаннан кейінгі тегі Қойшыбай.Әкесінің аты жөні Рысбай Жылқайдар.
Орындауындағы әндер: «Ақбаян»,«Ауғайша»,«Гүлдер-ай»,«Ақ Дариға Қалқаш»,«Әпиток»,«Ақ Дариға»,«Ахау арман»,«Ахау Семей », «Ахау Керім», «Ағажан Ләтипа», «Құрбымай», «Көкемай», «Маусымжан», «Ағайша», «Аққайың», «Ләйлім», «Майра», «Жалғыз Арша», «Жонып алды» т.б
Театр сахнасында сомдаған рөлдері:
Рахия Қойшыбаеваға Мұхтар Әуезовтің «Абай жолы» романы бойынша жасалған пьесасында Зере рөлі үшін 1952 жылы ҚазСР-інің Мемлекеттік сыйлығы берілді.Мұхтар Әуезовтың «Түнгі сарын» пьесасындағы Жүзтайлақтың, Ақынжановтың «Исатай - Махамбет» пьесасындағы Алманың, Ғабит Мүсіреповтың "Қозы Көрпеш - Баян сұлу"-ында Мақпал мен Баянның анасы Күнікейдің, Ғ.Мүсіреповтың «Ақан сері - Ақтоқты» трагедиясында Ақтоқтының шешесі Дәмеліні, Шахмет Хұсайынов "Алдар Көсесінде" Меңсұлуды, Сәбит Мұқановтың "Шоқан Уәлиханов"пьесасында Зейнепті,Әлжаппар Әбішевтің «Күншілдік» пьесасындағы Қаманың, «Кім менің әкем» пьесасындағы Жарқынның және т.б. рөлдерді сомдаған.
Классикалық драматургияда Н.В.Гогольдің "Ревизорында" Анна Андреевнаның, А.Н. Островскийдің "Шындық жақсы, ал бақыт одан да артық" және "Таланттылар мен табынушыларында" Мавра Тарасовна мен Долина Пантелеевнаның, Ж.Б. Мольердің "Скапеннің айласы" мен "Сараңында" Зербинетта мен Фрозинаның,Погодиннің «Мылтықты адам» пьесасындағы Надежданың және т.б. рөлдерді сомдаған.
Фильмдерде ойнаған рөлдері:
1940 - Райхан - Ана
1945 - Абай әндері - Зейнеп
1948 - Алтын керней - Жамал
1954 - Махаббат туралы аңыз - Күнекей
1955 - Қыз-жігіт - секретарь
1956 - Мазасыз көктемде - Хафиза Бейсенова
1957 - Біздің сүйікті дәрігер - аға лейтенант
1961 - Егер біздің әрқайсымыз... - Шайшекер
1962 - Балам - Хадиша Ахметқызы
1962 - Жол түйісі - сұраушы
8 сен 2024
