Роза Аманова "Коздорун менен коштошуу" || Жаны 2022 || 

КӨЗДӨРҮҢ МЕНЕН КОШТОШУУ...
Сөзү Манас Алымбаевдики
Обону Түмөнбай Колдошовдуку
Аткаруучу Роза Аманова
Көздөр көк асман, көздөр бир дастан,
Көзүңө чөгүп, канча адашкам.
Бир тиктеп алып, карегим талып,
Кирпиктерим да сени самашкан.
Жарк этип күндөй, бүркөлүү дүйнөм,
Алоолоп жанып, көзүңдө күйдүм.
Төгүлдүм сага чайпалып эрким,
Көрүндүң мага баладай сүйкүм.
Көз баарын таанып, көздөн жаш тамып,
Үлпүлдөп өчтү үмүтүм жанып.
Кайрылбай бир күн кетээриң билгем,
Кайрыктарымда күйүтүм калып.
Каректериңде өткөнсүп өмүр,
Көздөрүң эстеп кыйналаар көңүл.
Көзүңдөн өткөн күндөрүм калаар,
Көзүңдөн өпкөн күндөрүм калаар...
03.02.2022. Бишкек
#музыка #бишкек #кыргызстан #ош #ысыккол #нарын #талас #баткен #чуй #жалалабад