“Кайнене”
Сөзү: Кайырбүбү Чолпонкулова.
Обону: Наарынбек Сүйүнтбеков.
Дүйнөдөгү асылдардын асылы,
Жетип турган бүт баарына акылы.
Кайын апа ыраазымын мен сизге,
Экинчи апам,
Жаным апам,
Гулдой апам жүрөгүмдүн жакыны.
Кабыл алдың өз кызыңдай келинди,
Сындабадың ата-баба тегимди.
Мен да өзүмө ниет кылдым буйруса,
Сиздей сүйүп,
Сиздей күйүп жүрөгүмдөн кабыл алам келинди.
Укканыңыз болсун дайым сүйүнүч,
Сиз бар үчүн ырыс куттуу үйүбүз.
Кайын апа кадырыңыз жан болсун,
Түбөлүктүү,
ишенимдуу ,
сый-урматтуу сизге биздин сүйүүбүз.
Кайырмасы:
Кадырлуу кайын апамсыз,
Өтсүн дейм жашоо капасыз.
Болсом дейм сиздей кайнене,
Оомийин тийсин батаңыз.
7 дек 2022
