Жаркентте Қазақстанға Қытайдан "заңсыз өтті" деп айыпталған Сайрагүл Сауытбайдың соты жалғасты. Бұл жолғы сотқа Алматыдағы Қытай консулдығының өкілдері де қатысты.
Originally published at - www.azattyq.org/a/kazakhstan-...
Алматы облысы Жаркент кентіндегі Панфилов аудандық сотында Қытай азаматы Сайрагүл Сауытбайға қатысты сот процесі жалғасты. Қытай қазағы сотта шекарадан не үшін заңсыз өткенін айтып берді.
Шілденің 13-інде соттың екінші отырысы белгіленген уақытында, яғни таңғы сағат оннан өте басталды. Сот алдындағы қауіпсіздік шарасы күшейтілді. Залға кіргісі келгендерге полиция кедергі болған жоқ. Тек әр адамның қалтасы мен сөмкесі тінтуір құралмен мұқият тексеріп кіргізді.
Сот процесі өтетін шағын зал журналистер мен айыпталушы Сайрагүл Сауытбайға қолдау білдіріп келгендерге толды. Сотта соңғы кездері Қытайдағы этникалық қазақтарға қысым жасала бастағаны жайлы баспасөзге жиі шығып жүрген белсенділер де болды.
Сот басталар алдында полиция қызметкерлері қолына кісен салынған Сайрагүл Сауытбайды айыпталушының әйнекпен бөлінген орнына отырғызып, кісенін шешті. Белсенділер мен туыстары Сайрагүл Сауытбаймен тілдесіп қалуға тырысты.
12 июл 2018