Ғойиб бўлгани хабар қилинган Ўрхан Инанди Туркияга келтирилгани маълум бўлди Ражаб Тоййиб Эрдўған бир ой муқаддам ғойиб бўлгани хабар қилинган Ўрхан Инанди Туркияга келтирилганини маълум қилди. Бу ҳақда Туркия президенти 5 июль куни халққа мурожаатида айтган. Эрдўғанга кўра, турк махсус хизматлари вакиллари Ўрхан Инандини мамлакатга келтириб, жавобгарликка тортганлар. Инандини у “ФЕТОнинг Марказий Осиёдаги бошқарувчиси” деб атаган. “У ФЕТО олий раҳбариятига мансуб бўлиб, ташкилотнинг ифлос пулларини Марказий Осиёга йўналтирган. Биз бошқа террорчи ташкилотлар билан курашганимиз каби ФЕТОга қарши курашда ҳам давом этамиз”, деган Эрдўған. “Сапат” халқаро таълим муассасаси президенти Ўрхан Инанди 1 июнга ўтар кечаси Бишкекда ғойиб бўлганди. Мазкур ҳолат бўйича қирғиз милицияси 170-модда (“Одам ўғрилаш”) билан жиноят иши очган. Кейинроқ уни Интерпол орқали халқаро қидирувга беришган. 2019 йилда Қирғизистон Туркияга Ўрхан Инандини экстрадиция қилишни рад этгани маълум бўлгач, бу масала Жогорку Кенешда ҳам кўтарилган эди. Депутатлар унинг йўқолиб қолишини “сиёсий амалиёт” дея баҳолаб, “одам ўз-ўзидан ғойиб бўлмайди”, дея таъкидлашган. Ўрхан Инандининг турмуш ўртоғи Рейҳан Инанди эрини “Туркиянинг Қирғизистондаги элчихонаси биносида куч билан ушлаб туришган”и ҳақида ижтимоий тармоқлар орқали хабар олганини билдирган. Қирғизистон президенти матбуот котиби Эрбол Султонбоев Садир Жапаров Туркияга ташрифи чоғида Ражаб Тоййиб Эрдўғандан Қирғизистонда дом-дараксиз йўқолан Ўрхан Инанди ҳақида сўраганини маълум қилган. “Эрдўған уни танимаслигини, унда ҳеч қанақа маълумот йўқлигини ва ФЕТО тарафдорлари ҳақида эшитишни ҳам хоҳламаслигини айтган”, деганди Султонбоев. Ўрхан Инанди Туркияда таваллуд топган бўлиб, Қирғизистонга 1995 йилда келган, 2012 йилда ҚР фуқаролигини олган. У раҳбарлик қиладиган “Сапат” (аввалги номи “Себат”) ХТМ 16 та лицей, “Алатов” халқаро университети, UWIS халқаро мактаби ҳамда 4 та тўлиқсиз ўрта мактабни ўз ичига олади. Ушбу муассасаларда 10 минг нафардан ортиқ ўқувчи ва талабалар таълим олади. www.najot.org/index.php/ojib-bulgani-habar-ilingan-urhan/
Халқ ўзлигини талаб қила бошласа, ин ша Аллоҳ бу даббалар давлатни ҳам ташлаб қочади. Булар халқни авзоега қараб қонун қабул қилади. Халқ қўй бўлиб рози бўлса, энг ифлос қонунларни татбиқ қилишга тайёр бу манқуртлар....😐🤨🤔