Алматы облысының Сарқан ауданына қарасты Екіаша ауылында жерден жік шықты. Су электр станциясын салып жатқан жеке меншік компания өзеннің суын жер асты құбыры арқылы жібермек. Мұны көрген ауыл халқы өре түрегеліп, жаппай қарсылық білдіріп жатыр. Себебі, мұндай сұмдыққа жол берсек ертең ауылды құрғақшылық жайлап, нағыз жұттың күнін кешеміз деп үрейлі.
САМАЛ ҚАБЫШЕВА, Тілші:
- Енді Екіаша ауылында өзен суы осы құбырдың ішімен өтетін болады. Қазір жер қазылып, құбырлар орнатылып, үсті топырақпен жабылып жатыр. Ал Екіаша ауылының халқы өзен суын құбырдың ішімен жүргізуге жол бермейміз деп отыр.
Мына диаметрі 2,5 метрге дейін жететін құбырлар арқылы өзен суын жер асты арқылы жібермек. Жалпы құбырдың ұзындығы 11 шақырым болады. Өзен жағалауын қазып, үлкен тастарға толтырғалы халық маңына жолай алмай қалдық дейді.
СЕРҒАЗЫ САРЫБАЕВ, Екіаша ауылының тұрғыны:
- Мына бүткіл өзеннің суын трубаға салу. Одан кейін тиіссек, қазірдің өзінде қарсы сөйлегеніміз үшін 10 адам шықсақ, 10 полицей әкеледі. Содан кейін каждыйымыздың үйімізге прокурор, КНБ келеді.
Осылайша ауылдың ішімен ағып жатқан өзенге тиіспеңдер деп, сақтап қалуға тырыссақ, құзырлы органдар үркітіп, қорқытып, берекемізді қашырды дейді ауылдағы ағайын. Ал су электр станциясын салып жатқан жеке меншік компанияның өкілі барлық өзенді құбырдың астына жібермейміз, 30 ұзаса 50 процент өзеннің суы жер асты құбыры арқылы жіберіледі дейді.
ДАНИЯР ДОСАБАЕВ, «BASKAN POWER» ЖШС техникалық директоры:
- Өзеннің барлық суы құбырға кетеді деген қате ұғым. Барлығы есептелген. Су аз болғаннның өзінде 50 пайызы құбыр арқылы өтеді, ал барлығы сыймайды. Құбырдың диаметрін көрдіңіздер.
Халық су электр станциясын салып жатқандар өзенге суды жібермейді, барлығын өз арнасына бұрып, ертең елді жұт жайлайды деп үрейлі.
ҚАЙЫРГЕЛДІ ӘБДІРАХМАНОВ, Екіаша ауылының тұрғыны:
- Сусыз қалдырады. Олар айтқан 40 процентін қалдырамыз дегені ол жалған сөз. Оған сену мүмкін емес. Өйткені көзіміз көріп отыр, басында салған ГЭС тан ақ. ГЭС тің салғанына қарсы емеспіз, ауылдың сыртына сала берсін, не жоғары, не төмен. Бірақ ауыл арасынан суды жіберсін.
ҚАЖЕТ МӨНЕТАЙҰЛЫ, Екіаша ауылының тұрғыны:
- Ешкімге біз сенбейміз. Бізге министр Мағзұм келіп, мынаның бәрін көзімен көріп, жағдайын біліп ана жерде отырғанша. Болашақ үшін, бала шаға үшін шулап жүрміз. Мағзұмов келгенше мынау тоқтасын. Ең сұрайтынымыз.
Осылайша Екіаша ауылының халқы өзен суын жер асты құбыры арқылы жіберуге түбегейлі қарсы. Сондықтан тұрғындар жаппай көтеріліске шығып, құбырларды өртемей тұрғанда Экология министрі тездетіп ауылға жетсін деп талап қоюда.
Самал Қабышева
Бізді әлеуметтік желіде оқыңыздар:
RU-vid - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Сарқан #тұрғындар_наразылығы #Екіаша
17 июн 2021
