Сөйтіп Саид ибн Амр әкім болып тағайындалады. Біраз уақыт өткеннен кейін сол қалаға халиф Омар ибн Хаттаб келеді де халқынан сұрайды.- Әкімдеріңе қандай да бір жалобаларың бар ма? - Ия бар. Төрт нәрсесіне көңіліміз толмайды. Біріншісі таң атқанға дейін үйінен шықпайды дейді. Бұның себебін айт Саид дейді халиф. Сонда қала әкімі Саид ибн Амр- менің үйімде қызметшім жоқ. Өз отбасыма қамыр ашытып күтіп отырамын, ашыған соң нан пісіріп беріп, содан кейін шығамын дейді. - Екінші уәжіміз, әкіміміз түнде ешкімге жауап қатпайды, дейді. - Бұның себебі неде? - Күндізімді халқыма арнасам, түнімді Аллама арнаймын, құлшылықта боламын дейді. - Үшіншісі айына бір рет көрмейміз. - Саид, не себепті айына бір рет көрінбей кетесің? - Себебі менің үстімдегі киімімнен басқа киім жоқ, айына бір рет жуып, киім кепкенше үйде отырамын, дейді. - Төртінші, әкіміміз кейде өзінен өзі дір дір етіп талып қалатын әдеті бар дейді. Халиф Омар бұның себебін сұрағанда, Саид былайша жауап береді, - мүшріктер қатарында болғанда Хубайбтың қиналып, жан тапсырар алдында,- ия Раббым, бұлардың барлығына азабыңды жібер,- деген дұғасын көріп едім. Сол сәт есіме түскенде денемді діріл басып, Алланың қаһары маған келеді ма деп қорқып, талып қаламын дейді.