На 18ти април (понеделник) во МОБ ќе се одржи јубилеен концерт на кој ќе настапат студентите од студиската програма за Популарни музички жанрови. Љубителите на музиката ќе можат да проследат настапи на неколку вокално -инструментални состави сочинети од студентите од прва, втора, трета и четврта година. Како солисти ќе се претстават студентите по гитара, саксофон, бас гитара, соло пеење и удирачки инструменти во придружба на биг бендот, oд класите на професорите Кирил Туфекчиевски, Иван Иванов, Андријана Јаневска, Дамјан Пејчиновски, Влатко Нушев и Нико Ѓорѓиевски, како и студенти по аранжирање од класата на проф. Кире Костов. Специјални гости ќе бидат Драган Даутовски, Влатко Стефановски, Наде Талеска - Спасовска, Влатко Лозаноски и Димитар Андоновски.
Слушателите ке имаат можност да уживаат во поп, рок, џез и соул теми, како и во неколку македонски евергрини и изворни народни песни во придружба на ревискиот оркестар на ФМУ.
Концертот ќе започне во 20 часот. Влезот е слободен, местата за седење може да се резервираат на тел. 02 3161614 или на e-mail: fmu@ukim.edu.mk
18 сен 2024