ДАР СУҲБАТИ МАРДИ ҲУНАР ҲАҚНАЗАРИ ҲУКМЗОД
Ҳақназари Ҳукмзод аз нахустин таронаҳое ёд оварданд, ки рӯзҳои аввали шавқманд шудан ба овозхонӣ месароиданд.Дар синфи чаҳор таҳсил мекарданд, ки ҳамроҳи бародари овозхонашон машқи сарояндагӣ доштанд ва дастаи ҳунарии шуъбаи фарҳанги ноҳияи Дарвозро дар сафарҳои ҳунарӣ ҳамроҳӣ менамуданд.Ҳамин пайвандии хонаводагӣ ба ҳунар буд, ки ҳунарманди шинохтаи тоҷик соҳаи овозхониро ҷиддӣ гирифтанд.Натиҷаи кор ин шуд, ки аз сабти нахустин тарона маҳбуби бахши бузурги мухлисони созу суруд гардиданд.Ҳоло ҳам агарчӣ дасташон ба корҳои дигар банд аст, вале майли раҳо кардани овозхониро надоранд ва лаҳзаҳои фориғ аз кор ба дунёи созу суруд мепайванданд.Месароянд ва ба ин васила рӯҳи худу мухлисонро менавозанд.Ҳоло ҳам таронаҳои Ҳақназари Ҳукмзод бозхонӣ мешаванд ва ин таваҷҷуҳи сарояндагон ба навоҳои эшон бад-он хотир аст, ки созу шевааш қалби мардумро фатҳ намудааст.Суҳбати гарме доштем бо ин ҳунарманди мумтоз ва аз Ҳақназари Ҳукмзода дар бораи рағбаташон ба ҳунари овозхонӣ, вазъи имрӯзи эстрадаи тоҷик ва таъсири афзунии бозхониҳо дар соҳаи ҳунар пурсидем.
23 апр 2024
