Ашыкмын сиздей периге, Айталбайм сырым демиге. Алтындан артык баркыңа, Ашыгам ырас жетүүгө. Адамды мынча кыйнабай Айттырбай билсең эмине? Кызыгам сиздей периге, Күмүштөн артык баркыңа, Күчүмдү жумшайм жетүүгө. Кишини мынча кыйнабай, Кымбатым, келсең эмине?! Күлгөндө күлкүң күмүш үн, Күлгүндөй кыздын Күнүсүң. Күйүттү тартып жүрүшүм, Күндөйүм, айтчы, ким үчүн? Күдөрүм үзбөйм түбөлүк Күйгүзүп сүйүү үмүтүн. Жарк этсең күлкүң күмүш үй, Жароокер кыздын күнүсүң. Жалынга түшүп, күйүшүм, Жалжалым, айтчы, ким үчүн? Жаныңдан асты чыккым жок Жандырып сүйүү үмүтүн. Ай жүздүү бетиң нур чайып, Азилиңди ойлосом, Айылда жатпайм тынч алып. Алтыным чачкан жарыктан, Айланам көрккө курчалып. Ашыктык иштин айынан Азапты тарттым, мынчалык! Күн жүздүү бетиң нур чалып, Кылыгың эске түшкөндө, Күнүгө жатпайм, тынч алып. Күмүшүм чачкан жарыктан, Күнгөйлөр көрккө курчалып. Кызыктык иши курусун Кыйноону тарттым, мынчалык! Көрүшкөн күнүм салтанат, Көркүңдөн Ай, Күн жалтанат, Көркөмүң жанды көксөтүп, Көмөкөйдөн бал тамат. Көрүнбөй кетсең, Көксулуум Көнөктөп көздөн жаш агат! Жолуккан күнүм салтанат, Жоодураган келбетиң, Жогортон Ай, Күн жалтанат. Жол карап тарттым, көп азап, Жолукпай калсам, Көксулуум Жоругуң эстеп, жаш агат! Аксынын жери бийик жер, Антташкан жерге өзүң кел. Айылымдан чыккан перизат, Ар дайым кылдың, үмүткөр. Айтылган жерге келбесең Антташкан жарың күйүткөр. Бордунун жери бийик жер, Болжошкон жерге өзүң кел. Бозбудан чыккан асылзат, Боздоп бир болдум үмүткөр. Болжошкон жерге келбесең Боз улан жарың күйүткөр! Көркөмүң жанды суусаткан, Көргөнү келдим узактан. Көргөнү келсем чыкпайсың, Көрө албас айткан ушактан, Көксулуум, туура түшүнүп, Көңүлүң менен узатсаң? Ажары жанды суусаткан, Атайын келдим узактан. Атайлап келсем чыкпайсың, Ар кимдер айткан ушактан. Айперим, мени түшүнүп Акылың менен узатсаң? Бетегелүү белдейим, Белги берип чакырсаң, Белгиңе кантип келбейин. Бел байладым алууга Перизаттай телдейим! Көбүргөндүү жердейим, Көңүлүң менен чакырсаң, Көргөнү кантип келбейин. Көксөтпөчү көп эле Көксулуудай телдейим? Жайлоодо белес, кырдайым, Жаштардан чыккан Көксулуум, Жамалың кошуп ырдайын. Жарашкан пери экенсиң Жаңшабай кантип турайын. Кымыздыктуу кырдайым, Кыздан бир чыккан Көксулуу, Кылыгың кошуп ырдайын. Кынтыксыз сулуу экенсиң Кыңырылып турбайын. Аргымак аттын басыгы, Аксыдан чыккан Көксулуу Ай тамак кыздын асылы. Ашык бир болгон өзүңө, Акындын кайсы жазыгы? Ар түркүн ойго көп салчу Ай пери кыздын назыбы? Күлүк бир аттын басыгы, Күйүмдүү көркөм Көксулуу, Күн тамак кыздын асылы, Кызыккан кызыл гүлүнө, Күкүктүн кайсы жазыгы? Көп ойлонтуп кыйнаган Күн пери кыздын назыбы? Калкымдан чыкса көп сулуу, Калем каш, кара чачтуунун, Калтары сенсиң, Көксулуу. Каалап берген табийхат, Казактан чыкпас төп сулуу. Кара жаак акынга Канчалык айтса эп сулуу! Эшимден чыкса көп сулуу, Эндиксиз сулуу кыздардын, Эркеси сенсиң, Көксулуу, Энчилеп берген табийхат, Эс-акылы төп сулуу. Эптеп айткан акынга Эки күн айтса эп сулуу! Айтканда сөздү чын гана, Абыдан сага жарашкан, Ак седеп таккан чыптама. Атайлап сага тиккендей, Акери өтүк бутта да. Ак көйнөкчөн келатсаң Ак куудай көлдө куп гана. Аябай сага сулуулук, Арнаган экен кудурет Атайлап берип бүт сага! Козгосок кепти жай гана, Көп эле сонун жарашкан, Көк мончок таккан чыптама. Көркөмү кооз көрүнөт, Көк өтүк кийген бутта да. Көк шайы көйнөк кийинсең, Көк өрдөк көлдө куп гана. Коштогон экен табийхат Кош колдоп берип, бүт сага! Айлыңа барсам, эртелеп, Алдымдан чыксаң эркелеп. Алышып ойноп жүргөнгө, Ага да эркем, эрк керек. Антташкан шерттен тайбайм деп Акының Өтө сөз берет! Кыштооңо барсам эртелеп, Кыядан тоссоң эркелеп. Кымбатым, эркем, эрк керек. Кыйышпас болуп жүрүүгө Күкүгүң Өтө сөз берет! Айтаар бир сөздөн шашпайын, Аксыдан чыккан даткайым. Ак калпак кыргыз элимдин, Акыны болом, дап дайын. Атагың элге чыгарып, Азыртан неге айтпайын! Ашыктык иштен зарланттың Анжиян базар канттайым! Кыйыткан ойдон шашпайын, Кыргыздан чыккан даткайым. Кымбаттуу кыргыз элинин, Күкүгү болом дап дайын. Күлпөтүң калкка чыгарып, Кыйкырып неге айтпайын. Кызыктык иштен кыйнадың Кашкардан келген канттайым! Жайлаган жериң Ойрума, Жай күнүнөн бер жака, - Жаш сулуу түштү оюма. Жашчылык иши жай бербей Жалынам бирге болууга. Кыштоонун башы Ойрума, Кыш жармынан бер жака, Көксулуу түштү оюма. Кызыгам бирге болууга. Казанымды бир кылып, Ашташ болсом, Көксулуу. Төшөгүмдү бир салып, Башташ болсом, Көксулуу. Айтылган шерт убада, Кайтпас болсоң, Көксулуу. Кыйынчылык түшсө да, Кайтпас болсоң, Көксулуу! Убададан айнычу, Болбос болсоң, Көксулуу. Өмүр бою айрылгыз Жолдош болсоң, Көксулуу?
Аксыдан чыккан ак куулардын бири Коксулуу. Алымкан, Коксулуу, Жаркын Айым, замандашыбыз Гулбубу булар ырларда туболук сакталат, тарыхта алтын тамга менен жазылат. Кылымдан кылымга жашайт.
Унунуз абдан соонун менин эн жакшы коргон ырчым,дагы коп коп ырларды чыгарып турунуз эрте менен жумушка жоноп жатып коруп коруп калып угуп конулум которулду абдан сонун ыр болуптур ❤
Азаматсын,коп жаштар залкар акын Женижоктун чыгармаларын билишрейт,ушундай сонун ,жагымдуу унду укканда , соссуз,кызыгышат.Султан ,чон рахмат,ушундай талантына биз таазии кылабыз.❤❤❤
Унунуз эн мыкты ырыныз аябай жакшы экен бар болунуз ишининизге ийгилик Ырларвныз кобойо берсин Уй булонуз мн бактылуу болунуз 💯 чыкыла бар болунуз Чыгармачылыктарынызга ийгилик ❤️💋😀😃🙏🤲
Султан кучтуу ырдайт просто азыр жаш поколения чыгып булар анча бааланбай калды окшойт бирок уксан айырма бар коп ырчыларга Караганда жакшы ырдайт ун баары бар талыкпай иштей бериш керек
