Суруди нав аз Анвар Ахмедов бахшида барои дӯсти наздику гиромиқадрашон шодравон Дамирбек Олимов бо ном "Ёдат ба хайр". Ҳатман гӯш кунед, ашк мерезед!
Матни суруд:
Нола кун, эй дил, ки он дилдода рафт,
Навҷавони хурраму озода рафт.
Мутрибу овозхони беназир,
Шаҳсавори ҳофизон аз ҷода рафт.
Мутриби дардошно, ёдат ба хайр!
Ҳофизи ширинсадо, ёдат ба хайр!
Байти дарё хонду дарёро гирифт,
Савти гулҳо хонду гулҳоро гирифт,
Мисли булбул умри кӯтаҳ дошт, лек,
Шеъри "Дунё" хонду дунёро гирифт.
Мутриби дардошно, ёдат ба хайр!
Ҳофизи ширинсадо, ёдат ба хайр!
Монд маҳфил бе сафири ошиқон,
Шамъи гирён дар замири ошиқон,
Як наво аз ишқ хонду даргузашт,
Беки ёрону Дамири ошиқон.
Мутриби дардошно, ёдат ба хайр!
Ҳофизи ширинсадо, ёдат ба хайр!
Дамири ширинсадо ёдат ба хайр!!!
16 фев 2022
