Сэтгэлийн хаттай, хүчирхэг эмэгтэйн үл хийдэг 13 зүйл 

Amy Morin "13 Things Mentally Strong Women don't do" Book Review
Олон улсын эмэгтэйчүүдийн эрхийг хамгаалах өдрийн мэндийг та нартаа хүргээд “Сэтгэлийн хаттай, хүчирхэг эмэгтэйн үл хийдэг 13 зүйл” номын тойм хүргэж байна. Зохиогч өөрөө сэтгэл судлалаар мэргэшсэн, мэргэжлийн сэтгэл засалч.
Хүн зөв дадлыг өөртөө бий болгохоос илүүтэйгээр муу зуршлуудаас зайлсхийж чадвал сэтгэл гутралд авталгүй, хөл дээрээ босож чаддаг нийтлэг нэгэн шинж чанарыг тэрээр олж харжээ. Юу хийвэл үр дүнтэй вэ гэхээс илүүтэйгээр ямар үйл хийхээс холхон байж чадвал ахиц, дэвшил гарч байна вэ гэдгийг ажлаа хийх явцдаа олж мэдсэн аж.
Өөрт тохиолдсон хүндхэн цохилт, хайртай дотно хүмүүсээсээ эрт хагацсан зовлонг туулахдаа тэрээр танхимд эзэмшсэн онолын мэдлэгээ хэрхэн ашиглах вэ гэж тэмцэн, хэрхэвч үл хийж болох 13 зүйлийг жагсааж, сануулга маягаар, захидал хэлбэрээр өөртөө бичснээ хэн нэгэнд бас хэрэг болж магад хэмээн цахим хуудастаа байршуулсан нь 50 сая хүнд хүрч олон хувь цааш түгээгджээ. Улмаар хэвлэл мэдээллийн нэр нөлөө бүхий бүх газраас энэ талаар дэлгэрэнгүй ярих, зөвлөх, бичих санал авснаар тэр туурвих ажилд орсон байна. Түүний бүтээл бүр шилдэг борлуулалтай ном болдог нь энэ сэдэв ямар их тулгамдсан, хэрэгтэй зүйл болохыг илтгэнэ. Та нартаа түүний номноос ойлгож авснаа хуваалцлаа, нэг зүйлд ч болов ээдрээ тайлж, нэмэр болох байх гэж найдъя.
Chansy with Love&Respect 💕💖