Санжар Асфендияров - мемлекет қайраткері, тарихшы, профессор, Алматы ұлттық педагогикалық университетінің және Алматы Медициналық университетінің негізін қалаушы және алғашқы ректоры. 1889 ж. Ташкентте дүниеге келген. 1915 ж. Орыс армиясында дәрігер қызметін атқарған. 1917 ж. Бұхара, Ташкент Кеңесінің құрамында болған. 1919-1920 жж. Түркістан КСР Халықтық ДС комиссары, 1920 ж. Түркістан жер-су шаруашылығының комиссары, 1921-1924 жж. Түркістан Орталық Комитетінің мүшесі, 1923-1924 жж. Түркістан Орталық Комитетінің екінші хатшысы қызметтерін атқарған. 1927-1928 жж. Н. Нариманов атындағы Шығыстану институтының басшысы, 1928-1931 жж. Қазақ мемлекеттік педагогикалық университетінің ректоры, 1930 ж. Қазақ АКСР Өлкетану бюро орталығының төрағасы, 1931-1933 жж. Қазақ медициналық университетінің ректоры, 1933-1937 жж. Қазақ ғылыми-зерттеу институтының Тарих секторының меңгерушісі болған. С.Ж Асфендияровтың білім және ғылым саласына қосқан үлесі орасан зор.
20 сен 2024