«Тарихга эътибор, ўтмиш аждодларга эҳтиром - бугунги тараққиётимиз кафолатидир»
Наманган шаҳридаги Мавлоно қабристони ҳудудидаги Мавлавий Намангоний мақбараси пойдевори остини кавлаш пайтида, иншоот икки қават қабр устига қурилгани, ҳозирги қабрлар учинчи қабрлар эканлиги аниқланган. Шундан келиб чиқиб, Наманган шаҳрининг қанчали қадимий эканлигини тасаввур қилиш мумкин.
Вилоят раҳбари Шавкатжон Абдураззоқовнинг ташаббуси билан мана шу улуғ қадамжо обод этилмоқда. Бу ерда Мавлавий Намангоний ва бошқа улуғ зотлар мақбараларидан иборат меъморий комплекс лойиҳаси ишлаб чиқилиб, унга биноан бу ерда улкан бунёдкорлик ва ободонлаштириш ишлари бошланган.
Мавлавий Намангоний мақбараси XVII асрнинг иккинчи ярмида яшаган машхур шоир ва олим Мавлавий Муллахўжа хотирасига бағишлаб қурилган бўлиб, қурилиш санаси XVIII-XIX асрларга тўғри келади. Дастлабки таъмирлаш ишлари XIX асрда бўлиб, унда мақбарага гумбаз ўрнатилган. Кейинчалик 1875 йил, 1905 йил ва1957 йилларда реконструкция қилинган.
Медиа Департамент
27 дек 2022
