Устод Гулрухсор Сафӣ, Шоири Халқии Тоҷикистон дар сӯги Давлатманди Хол, хунёгари асил, фалаксарои барҷаста, оҳангсоз ва пажӯҳишгари мусиқӣ бо мо суҳбат кард. Порае аз суханони дардолуд ва мунҳасир ба фарди устод Гулрухсор дишаб дар барномаи телевизиони форсии Би-би-сӣ пахш шуд. Нусхаи комили сӯгномаи Гулрухсори Сафӣ дар бораи ҳунар ва шахсияти Давлатманди Холро бо нохун задани ин видео бибинед.
Рӯҳи устоди ҳунар ва мусиқӣ Давлатманди Хол шод ва ёди накуяш ҷовидона гиромӣ бод. Даргузашти ӯро ба ҳамаи ошиқони ҳунари асил ва мондагораш таслият мегӯям.
27 сен 2024