#НартайАралбайұлы #NartayNews #НартайНьюс #Еңбекадамы
Бүгінгі кейіпкеріміз - Біржан Қожақов. Бұрын жол сақшысы болған. 2001 жылы бақылау бекетінде тұрғанда аяғын үсік шалып, артынша дерті меңдеп, ірің сүйекке өтіп кетеді. Дәрігерлер әуелі табанды, тобықты, ақыр аяғы кеулеп келе жатқан дерт үшін бір аяғын тізеден асырып ампутациялайды. Арада 7 жыл өткенде дерт екінші аяққа шауып, салдарынан екінші аяғы шаптан толық кесіледі. Сөйтіп 31 жасында екі аяқтан айрылған Біржан сарыуайым жетегінде кетпей, тәуекел етіп, жиһаз дайындау ісіне кіріседі. Қазір Оралдағы ірі “Ғибадат” компаниясының иесі. Кәсіпкер Біржан жомарт жан. Ол церебралды сал ауруына шалдыққан, тірек-қимыл аппараты зақымданған балалар мен төсек тартып жатқан науқастарға қажет вертикализаторлардың баламасын құрастырады. Мұқтаждарға тегін таратады.
"Еңбек адамы" елеусіз қалмасын! Биыл біз тұтас фильмдер сериясын жасауға бел будық. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 20 фильм, 1 деректі фильм жарыққа шығады. Көріңіздер!
Инстаграм: ...
Фейсбук: / nartai.sarsengaliyev
30 сен 2024