Елімізде Түркия университеттерінде студент боламыз деп армандаған 200-дей жас алданып қалған. Ал өзге елде оқуға түсіріп, жатақханаларыңызды дайындап береміз деген компаниялардың арбауына түстік деген ата-аналар қазір әділдік іздеп шарқ ұрып жүр. Тіпті оларға сенген кейібірі Түркияға өз ақшаларымен барған балаларымыз қазір сол елде не оқу жоқ, не тұратын жері жоқ далада қалды деп ашулы.
Ақтөбе қаласының тұрғыны Раушан Қожанова "Turkey EDU" компаниясына сеніп, сан соғып қалдым дегендердің бірі. Ол дәл осы компания арқылы өз баласын Түркияға оқуға түсірмек болыпты. Айтуынша, аталмыш компания өкілдері сол елдегі жоғары оқу орнына жеңілдікпен түсіре аламыз деген соң келісім жасасқан. Тіпті жатақхана мәселесін де шешеміз депті. Ал бірақ бір де бір уәде орындалмай, алдап кетті дейді Раушан.
РАУШАН ҚОЖАНОВА, Ақтөбе қаласының тұрғыны:
- Осы компанияға тек біздің өзіміз 800 мың теңге бердік. Келісім бойынша бұл ақыға түрік тілін үйретіп және баламның Түркиядағы оқуын қамтамасыз ету керек болатын. Бұл қызметтердің бірі де орындалмады. Ақшамды да қайтармады.
Ал заңгер Ғабит Өмірбеков қазір еліміздің түкпір-түкпірінен 200-дей жас дәл осы компанияның арбауына түскен дейді. Оның айтуынша "Turkey EDU" елдегі танымал адамдар арқылы жарнама жасап, Түркияда оқығысы келетін талапкерлерді тартқан. Осылайша олардан ақшасын алған соң, келісімшартта көрсетілген міндеттерінің бірде-бірін орындамаған дейді. Тіпті Түркияға баратын ұшақ билеттерін де алып бермепті. Бірақ кейбір ата-аналар компанияға соңына дейін сеніп, Түркияға өз қаражаттарымен барған екен.
ҒАБИТ ӨМІРБЕКОВ, заңгер:
- Турцияға барамыз деп оқталып отырған соң өз қаражаттарына билет алуға тура келді. Турцияға жеткеннен кейін оларды ешкім күтіп алмаған, университтеріне барса, тізімде жоқ оқуға түскендердің арасында. Жатақхана алынбаған.
Енді арман қуып барған жастардың көбі сол елде тентіреп қалды дейді заңгер. Оның айтуынша, қазір аталған компания келісімшарт жасасқан азаматтарға 100 миллион теңгедей шығын келтірген. Ал, "Turkey EDU" компаниясы өкілінің айтуынша, Түкриядағы университтерге түсу үшін келісімшартта көрсетілгендей талапкерлер түрік тілін үйрететін курстан толықтай өту керек. Бірақ кейбір ата-аналар бұл процесті асықтырып жатыр дейді. Қазір бұл іске байланысты Алматы қалалық Полиция департаментінің өкілдері "алаяқтық бабы" бойынша тергеу жүргізіп жатқандарын мәлімдеді.
Бізді әлеуметтік желіде оқыңыздар:
RU-vid - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
9 сен 2024
