Түшүнүк алиппеси. 

ИЙГИЛИК ЖАНА ООМАТ
Ийгилик менен ооматтын айырмасы бар. Оомат - күн сайын Аллах пенделерине чачып турган чачыласы. Ал кимге болсо да түшө берет. Кээ бирлер “Нужно оказатся в нужном месте, в нужное время”, тагыраагы ооматка да даяр болуу керек, жок дегенде алаканыңды ачып жүр, антпесе алдыңа “былч” деп түшөт дешет. Демек, оомат сенин ким, эмне менен алек болгонуңа, умтулууңа карабай, Аллахтын чача берген белеги. Болгону ооматка да даяр жүргөн жан болсоң - ооматтуу, жолдуу болосуң.
Ал эми ийгилик бир аз башкача. Ийгилик мээнет, кара тер жана жан аябаган умтулуу менен жете турган жеңиш. Ийгилик оңой болбойт, оңой болсо - оомат эмес бекен деп күмөндөнүү керек. Анткени, оомат утурумдук, ал эми ийгилик туруктуу жеңиш болуп эсептелет. Ошентип, ийгилик - умтулуудан көз каранды болгон натыйжа.
Адатта, адам бир нерсени мүдөө кылса - ага умтулат. Умтулуусу күчтүү болсо - аны ийгилик, начар болсо - ийгиликсиздик күтөт. Демек, ийгиликти көздөө үчүн эң оболу максатты белгилөө, анан ага умтулууну уюштуруу зарыл.
✅Биздин каналга катталып ушул видеолорду бөлүшүп, биздин каналды жайылышына салымыңды кош!
✅Бөлүшүп таратканды унутпа!
КАНАЛ-МЫКТЫБЕК АРСТАНБЕК
t.me/marstanbek