Ассалому Алайкум Алибобо яхшимисиз агар шу йозганларимни укийотган булсангиз мен сизни Оллох учун яхши курдим укажоним жуда тасирли гапирдиз роса йиглаб олдим хозир сизни Масквада туриб курдим яна бир бор Оллохга шукур килишни ургатиз сиздан Оллох рози булсин
Бўлган воқеа. - эримни холсизланиб бошлардаги оғриқ кун сайин кучаярди. - докторга текширтирайлик, оғриқ қолдирувчи дорилар ҳам таъсир қилмай қолдику. - майли, эртага ўзим бориб текширтираман. - мен ҳам бирга бораман, йўлда йиқилиб тушсангиз баттар бўлиши мумкин. Эрим ноилож рози бўлдилар, икки нафар укаларини бири чет элда, бири эса ичмаган куни йўқ, болаларимиз тўртталасиям ҳали кичкина эди. Қўлларидан етаклаб икки дамасга алмашиб ўтириб докторга бордик. Текширув натижаларини кўрган доктор оғир уҳ тортдида: - қизим, эрингни дарди жиддийга ўхшаяпти, хужжатларни "оромгоҳ" га олиб бориб кўрсатиб кўрчи, илоҳим мен адашган бўлай. - нима, "оромгоҳ"да яхшироқ докторлар борми, ўзингиз даволасангиз бўлмайдими? Ахир уйдан қатнашгаям у ер ўзоқда. - ҳм, бизда жой йўқ, ўша ерда жой бўлиши мумкин, деди доктор ерга қараганча. Эримни бир илож қилиб уйга ётқаздимда ўзим" оромгоҳга қараб кетдим. У ер жуда ғалати жой экан, бирорта кулган одамни учратмадим, ҳаммани қовоғи уйилган, ҳамма ғамгин. Навбат олиб докторни олдига кирдим ва қўлимдаги хужжатларни кўрсатдим. Ориққина кўзлари ичига кирган қиррабурун доктор хужжатларни кўздан кечириб: - бу киши сизга ким бўлади деб сўради. - эрим бўладилар - боллардан нечта? - тўртта, каттам 12 ёш. - эрингизни олиб келинг, қайта текшириб кўришимиз керак, битта текширувда аниқлаш қийин. - дориларни ёзиб беравернг, ётқизсак қатнашга қийналамиз, янги участкага яқинда кўчганмиз, ҳали деворлариям битмаган, болаларим ёлғиз қолгани қўрқишади. Доктор менга ажаблангандай қараб: - сизга бу ер дори ёзиб берадиган жой эмас, ўзи қанақа касаллар бу ерда даволанишини биласизми? - йўўқ, билмасам, оддий бир болницада. - эрталаб чой ичирмай олиб келинг, натижа чиқанидан кейин гаплашамиз. Ташқарига чиқдим, одамларни кўзига қарагани юрагим дов бермади, яна ўша ғамгин чеҳраларни кўраманми дедимда уйга қайтдим. Эрталаб касалхонага боришга пулим қолмаган, уйимдагилар ҳам дадамни касалларига тинмай дорилар олавериб қарзга ботишган, қайнотам эса ўтган сафар пул сўрасак, "энди уйларинг алоҳида бўлди, безрайиб пул сўрагани уялмадингми" деб ўшқириб берганди. Аср намозини ўқиб бўлиб жойномоздан туриб кетолмасдим, Роббимга йиғлаб хасратимни айтиб анча вақтгача дуо қилиб ўтирдим. - онажон, дадамни ўртоқлари нон, гўшт, ёғ ва пул бериб кетишди, киринглар десам зарур ишимиз бор деб кетиб қолишди. Алхамдулиллах, Роббим ўзингга шукур, дуоларимни қабул қилганинга шукур дея жойномозни силайман холос, яна саждага бориб , " эй меҳрибон Аллоҳим, эримгаям шифо бергин, худди ҳозиргина ризқимизни етказганинг каби шифо ҳам бергин" дея дуо қила бошладим. - онажон, овқат қилиб берасизми, қорнимиз очиб кетди. Кечгача югур - югурлар билан бўлиб ўзим ҳам эрталабдан бери туз тотмаганим, болаларим эса нон чой билан кун ўтказишгани эсимга тушди: - қизалоғим, укаларинг билан набат билан дадангни бошларини босиб туринглар, мен дарров овқатга уринаман дедимда ошхонага кириб овқат ҳаракатини бошладим. (давоми бор)
