Короновирус булмаган, родной синглиси буни рад этди, юраги анчадан бери хаста экан, аперацияга тайёрлаётган булган, лекин улгуролмабти, Рустам Хожиметовнинг укаси хам вирусга чалинмаган, давление ва диабет эуан акасидан айрилганига чидолмасдан вафот этган. Бу якинлари ёзган информация, мен ФБ дан укиб ёздим.
Nasiba Kurbanova Ҳурматли Ватандошлар ва азиз санъат мухлислари. 2020 йил 6-апрель куни Америка қўшма штатларининг Нью Йорк шаҳрида ижод қилиб келган таниқли санъаткор Ўзбекистон Республикасида хизмат кўрсатган артист Рустам Ҳожимамедов (Рустам Самарқандий) 51 ёшда оғир касаллик туфайли бевақт оламдан ўтди. Рустам Ҳожимамедов 1969 йилнинг 18 октябирида Самарқанд шаҳрининг Дамариқ маҳалласида дунёга келди. У 1975-85 йилларда Самарқанд шаҳар 49 - сон ўрта мактабда таҳсил олди. 1986 йилда собиқ Самарқанд Давлат педагогика институти мусиқа факультетига ўқишга кирди. У олийгоҳда ўқиш даврида устозлари Яшин Ҳаққуловдан дойра сирларини, Некталов Рафаел Барисовичдан мусиқа назарияси сирларини сабоқ билан ўрганди. Ўқиш даврида 1987-1989 йилларда Россия ва Афғонистон демократик республикаларида ҳарбий хизматда бўлиб қайтган. 1992 йилда ушбу олийгоҳни мувоффақиятли битирди. Р.Ҳожимамедов 1990 йилда уйланиб 3 қиз ва 2 ўғилни вояга етказди. Р.Ҳожимамедов устози Жаводбек Козимовга ҳавас қилиб, у кишининг ўгитлари билан қисқа муддат ичида Самарқанд санъат аҳлининг диққат эътиборига тушди. У шу йилларда Самарқандда ўтказилган турли кўрик танловларда қатнашиб, фахрли ўринларни эгаллашга сазовор бўлган. Жумладан: 1994 йилда Самарқанд шаҳрида ўтказилган Ўзбекистон халқ артисти Ҳожи Абдулазиз Абдурасулов хотирасига бағишланган Республика кўрик танловида иштирок этиб, ғолибликни қўлга киритишга сазовор бўлган. Р.Ҳожимамедов тез кунларда Республикамизнинг таниқли санъаткорлари Ўзбекистон халқ артисти Насиба Абдуллаева ва Муҳриддин Холиқовларнинг назарига тушиб, уларнинг тавсияси билан Тошкент шаҳрига кўчиб келди ва ўз ижодини Республика Ўзбекнаво филармониясида яккахон хонанда сифатида давом эттирди. Бу фаолият давомида у бир неча нуфузли кўрик танловларда иштирок этиб ғолибликни қўлга киритди ва Республика миқёсида ўтказилган деярли барча маданий тадбирларда ўз қўшиқлари билан қатнашиб Ўзбекистон Республикасининг биринчи президенти раҳматли И.А.Каримовнинг назарига тушган. Республикамизнинг мадананий ҳаётида фаол иштирокини инобатга олиб, 2001 йилда Ўзбекистон Республикаси мустақиллик байрами муносабати билан Рустам Ҳожимамедовга Ўзбекистон Республикасида хизмат кўрсатган артист шарафли унвони берилди. У 2004 йилда АҚШ да ўтказилган Ўзбекистон кунлари фестивалига ташриф буюриб, шу ерда ижодини давом эттирган. Америка Қўшма штатларида ўзбек шашмақомининг моҳир ижрочилари сифатида танилди ва жуда кучли овоз соҳиби, катта истедодга эга санъаткор эканлигини амалда кўрсата олди. Самарқанднинг асл фарзанди, етук санъаткор, ўзбек шашмақомининг моҳир ижрочиси Абрам Толмасов билан бирга бошлган фаолияти давомида АҚШ ва Исроилдаги ўзбек, тожик, озарбайжон, эрони ҳамда Бухоро яҳудийларининг севимли хонандасига айланди. Р.Ҳожимамедов АҚШ даги ижоди даврида Бухоро яҳудийларидан бўлган устоз санъаткор Ўзбекистон халқ атисти Эзро Малаков, Иляс Маллаев, Рушел Рубинов ва бошқа таниқли санъаткорлар билан Нью Йоркда улар томонидан ташкил этилган турли байрам фестивал тадбирларида фаол иштирок этди. Сеҳрли овоз соҳиби, ҳамюртимиз Самарқанд ўғлони Рустам Ҳожимамедовнинг бевақт ўлими муносабати билан унинг оила аъзоларига, фарзандларига ва яқинларига ҳамдардлик билдирамиз. Уларга Оллоҳдан Сабри жамил тилаб қоламиз. Шунингдек Р.Ҳожимамедовнинг АҚШдаги ўтказган 16 йиллик фаолияти давомида доимий равишда ҳар томонлама қўллаб қувватлаб келган Бухоро яҳудийларидан устози Абрам Толмасов, Рафаел Некталов, Яков Барраев, Лазар Барраев, Рушел Рубинов, Рома Толмасов ва бошқаларга ўз миннатдорчилигимизни билдирамиз. Букунги оғир жудолик дамларида бизлар билан ёнма-ён турган, ўз ёрдамини аямаган сиз азизларга яна бир бора раҳматлар айтамиз. Рустамжоннинг руҳи барчамиздан шод бўлсин, ётган жойи жаннат бўлсин. Рустам Ҳожимамедов (Рустам Самарқандийнинг) сеҳрли, ноёб овози, унинг порлоқ хотираси барча АҚШдаги Бухоро яҳудийлари ҳамда Самарқандликлар қалбида абадий қолади. Алвидо, алвидо, алвидо РУСТАМЖОН! Барча дўстлар номидан!
