Фәләқ сүресі қазақша мағынасымен/ Сура Аль- Фалак 

#сүрелер #ислам #фәләқ #дұғалар
Оқылуы:
Бисмилләһир Рахманир Рахиим
(1) қул әъууз̃у бираббил фәләқ
(2) мин шәрри мә халәқ
(3) уәмин шәрри ғасиқин из̃ә уәқаб
(4) уәмин шәррин нәффәс̃әти фиил ъуқад
(5) уәмин шәрри хәсидин из̃ә хәсәд
Мағынасы:
Аса қамқор, ерекше мейірімді Алланың атымен бастаймын.
(1) (Мұхаммед Ғ.С.): «Таңның Раббына сиынамын,»
(2) «Жаратқан нәрселерінің кесірінен,»
(3) «Қараңғылық басқан сәтте, түннің кесірінен,»
(4) «Түйіншектерге дем салушылардың кесірінен,»
(5) «Күншілдердің кесірінен, ол күндеген сәтте (сиынамын)» де.
Фалақ және Нас сүрелері «Әл-Муъаууизәтәни» - сақтандырушы екі сүре деп аталады. Пайғамбарымыз (Оған Алланың игілігі мен сәлемі болсын) осы екі сүрені оқып, түрлі бәле-жалалардан сақтанып жүретін болған.
Бұл туралы Айша анамыз (р.а) былай дейді: « Пайғамбар (Оған Алланың игілігімен сәлемі болсын) әрбір түні төсекке жатарда екі алақанын қосып, оларға үрлеп,«Ықылас», «Фалақ», «Нас»сүрелерін оқып , басы мен жүзінен бастап денесінің алдындағы бөлігінің қолы жеткен жерін сипайтын. Солай үш рет жасайтын» (Бұхари риуаят еткен)
Фалақ пен Нас сүрелерінің артықшылықтыры туралы мынадай риуаяттар бар. Алланың елшісі (Оған Алланың игілігі мен сәлемі болсын) Ұқба ибн Амрге (р.а):«Бүгін түні түскен аяттарға қарамайсың ба? Бұрын-соңды мұндай аяттар түспеген: « Қуль әъузу бираббил-фалақ» және «Қуль әъузу бираббин-нас», - деген.
Алланың елшісі (Оған Алланың игілігі мен сәлемі болсын) Абдулла ибн Хубейбке (р.а) «Ықылас» пен екі сақтану сүресін (Фалақ, Нас сүрелерін) кешке және таңертен үш рет оқуың барлық қажетіңе жеткілікті», - деген (Әбу Дәуіт, Термези және Нәсәи риуаят еткен).