#НартайАралбайұлы #NartayNews #НартайНьюс #nartaynews #Еңбекадамы
🔹Спикер: ГҮЛДАНА ХАУАШЕВА - ЕТІКШІ
Дұшпан аяққа қарайды деген сөз бар. Рас, адамның аяқ киіміне қарап, оның кім екенін де бағамдауға болатын шығар. Оның үстіне аурудың бәрі табаннан өтпей ме? Сондықтан, аяқ киім сайлы болғаны ләзім. Қазір киім-кешектің бәрі қымбаттап бара жатқан заман. Жыртылған аяқ киімді тастап, басқасын ала салатындай бәрінде бірдей мүмкіндік жоқ. Сондықтан да, етікші деген мамандыққа әлі де сұраныс бар. Тіпті, етікші мамандығы біле білсеңіз, көне кәсіптің бірі, оның тамыры жоғарғы палеолит дәуірінен бастау алады екен. Ертеде тек санаулылар ғана меңгерген шеберлік ұрпақтан ұрпаққа жалғасып отырған. Шабата тігушілер мұрасы бүгінгі күнге дейін жетті. Алайда, қазір жасыратыны жоқ етікші мамандығына көзқарас әр қилы. Бұрын бұл ең сыйлы әрі ең қажетті кәсіп түрі еді. Қолына бізін алып, тігістің ізін салып, тоз-тозы жеткен етікті қайтадан жылтыратып, жаңартып жіберетін шеберлер бізде көп. Солардың бірі бүгінгі кейіпкеріміз.
Етікші етікке жарымайды емес, етікші материалға мұқтаж. Қазақстанда тері-былғары кәсіпорындары жоқ деуге болады. Ілеспе материалдарды көптен бері ешкім шығармайды, оларды Ресейден сатып алуға тура келеді. Өндірісті басынан бастап қолға алуды ешкім қаламайды. Жеке бренд жасау идеясы - орындалмайтын мәселе: елімізде төменгі пайыздық мөлшерлеме несиелері жоқ деуге болады, ал өз қаржыңмен мұндай жасау мүмкін емес. Бірақ, етікшілер қиынның қиюын тауып, тұтынушылардың талабына сай жұмыс істеп жатыр.
Қазір елімізде 500 мыңнан аса NEET жастар бар. Оларды не оқымайды, не жұмыс істемейді деген санатқа салады ресми есепте. Негізінен дәнекерші, шаштараз, аспазшы деген сияқты кәсіптік білім тегін беріледі. Жатақхана, шәкіртақысы тағы бар. Егер жұмыс істеймін десе, жұмыспен қамты орталықтарында да екі қолға бір күрек табуға боладым дейді мамандар. Бірақ, оған құнт-құлшыныс қажет. Айтпағым, қазір жас буын етікші сияқты мамандықты менсінбейді. Ал, бүгінгі кейіпкеріміз етікшінің өзі табыс тауып, бір жанұяны асыруға болатын кәсіп екенін дәлелдеп отыр. «Еңбегің егіз болса, байлығың сегіз болады, еңбегің қатты болса, татқаның тәтті болады» демей ме?. Таң алагеуімнен ерте тұрып, қас қарайғанша тебен мен бізді, балға мен шегені серік еткен етікшілердің кәсібі үлкен еңбекті талап етеді. Ерінбеген етікші болады деп бекер айтылмаған.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev
17 мар 2024
