Дарви сумын Дэлгэр багийн малчин С.Лодойсамбуу, Р.Одсүрэн нар 2012 онд мал маллах арга туршлага, олон жилийн хөдөлмөр зүтгэлээ аймагтаа үнэлүүлж “АЙМГИЙН АВАРГА МАЛЧИН”-аар шалгарч байсан. Тэгвэл энэ жил “Хошой аварга малчин” болж байна. Аваргын шагналыг аймгийн Засаг даргын орлогч Т.Жаргалсайханаар ахлуулсан ажлын хэсэг гардуулан өгч баяр хүргэлээ.
Мөн Монголын улаан Загалмайн нийгэмлэгээс олгодог “ ХҮМҮҮНЛЭГИЙН ҮЙЛСИЙГ МАНЛАЙЛАГЧ” тэмдгээр шагнасныг гардуулан өгөв.
Малчин С.Лодойсамбуу сүүлийн 10-аад жил ялангуяа бог малаа чанаржуулахад анхаарч зүүн аймгаас эцэг мал авчран сэлгэжээ. Хавар мал төллөлтийн үеэр 1-2 хүнд 100 төл өгч туслахаар ажиллуулдаг. Харин бусад үед нь өөрөө малаа малладаг байна.
4 окт 2024