Иргэний нисэхийн үндэсний төвийн Хамтын ажиллагааны хэлтсийн дарга Р.Амарбаясгалангаар ахлуулсан ажлын хэсэг 2024 оны 8-р сарын 5-наас 9-ний өдрийг дуустал Хөвсгөл аймаг дахь Мөрөн, Хатгал нисэх буудалд ажиллалаа.
Иргэний нисэхийн үндэсний төв нь орон нутгийн нмсэх буудлуудын нисэхийн бус орлогыг нэмэгдүүлэх зорилт тавин ажиллаж байгаа. Энэ хүрээнд Үндэсний үйлдвэрлэгч аж ахуй нэгж байгууллагуудын бараа бүтээгдэхүүнийг худалдаалах замаар орон нутгийн нисэх буудлуудын нисэхийн бус орлогыг нэмэгдүүлэх зорилготой “WINGS MARKET” сүлжээ дэлгүүрийн эхний салбарыг Хөвгөл аймаг дахь Мөрөн нисэх буудалд нээж үйл ажиллагааг нь эхлүүллээ.
Мөн томилолтын хүрээнд орон нутгийн нисэх буудлуудын үйл ажиллагааг сурталчлан, олон нийтэд хүргэх видео архив үүсгэх зорилгоор Хөвсгөл аймаг дахь Мөрөн, Хатгал нисэх буудлуудад видео бичлэг хийснээс гадна геофизик судалгаа, шинжилгээний үйлчилгээ үзүүлдэг “Титэм говь” ХХК-тай хамтран Мөрөн, Хатгал нисэх буудлуудын нисэх зурвасын фото зураг болон нисэх буудлын байгууламжуудын дроны бичлэг хийх ажлыг зохион байгууллаа.
13 авг 2024
