Китоби “Ҳаводиси рӯзгори ман” соҳибкор Абдухалил Холиқзода ва адиби шинохтаи тоҷик Абдуқодири Рустамро паси панҷараи боздоштгоҳ бурд. Додситонии кулли Тоҷикистон муаллиф ва муҳаррири китобро дар ангехтани адовати миллӣ ва маҳалгароӣ айбдор мекунад. Додситонӣ мегӯяд, Холиқзода дар китобаш “миллати тоҷик ва мардуми баъзе аз маҳалҳои онро таҳқир кардааст” ва барои ҳамин бояд дар назди қонун ҷавоб гӯяд. Ҳоло боздошти ин ду нафар, он ҳам барои баёни андеша баҳсеро дар ҷомеа барпо кардааст, ки то куҷо зиндонӣ шудани онҳо бодалел аст, зеро конститутсияи Тоҷикистон ҳаққи баёни андешаро ба ҳама кафолат додааст. Суҳбати имрӯзаи Гапи Озод дар ҳамин бора аст ва меҳмонони мо Абдуқодири Абдуқаҳҳор фаъоли маданӣ ва китобдор ва Зафари Суфӣ адиб ва рӯзноманигор аз хориҷи кишвар.
8 сен 2023
