"Чархпалак" ўзбек сериали. 25-26 қисмлар
"Маҳалла" телеканали
Истеъдодли ёзувчи ва драматург Шароф Бошбеков 1951 йили Самарқандда дунёга келган. У адабиётнинг қутлуғ даргоҳига 80-йилларнинг бошларида кириб келган эди.
Дастлаб ҳикоя жанрида ўз истеъдодини синаб кўрди. Бинобарин, унинг “Г” варианти” ҳикояси (1981), “Жумбоқ” (1986) ҳажвияси, “Ғурур” (1982) каби ҳажвий ҳикоялари юзага келди. Шундан сўнг унинг кетма-кет ранг-баранг мавзудаги саҳна асарлари яратилди. Жумладаан, у “Тушов узган тулпорлар” (1983) ҳамда “Эшик қоққан ким” (1987) каби комедия, “Қасосли дунё” қисқа метражли филм ссенарийсини ёзди. Шунингдек, “Эски шаҳар гаврошлари” (1988) “Темир хотин” (1989) каби жиддий комедиялари яратилди.
У кино соҳасида ҳам ижод қилди. Унинг ссенарийлари асосида “Юзсиз”, “Тилла бола”, “Темир хотин”, “Маъруф ва Шариф”, “Масхарабоз” каби филмлар суратга олинган. Айниқса, “Чархпалак” телесериали машҳур бўлди.
“Темир хотин” асари учун драматург Ўзбекистон Республикаси Давлат мукофотига сазовор бўлди. Ўзбек кино санъати ривожига қўшган ҳиссаси учун “Ўзбекистонда хизмат кўрсатган маданият ходими” унвонига лойиқ кўрилди (1999 йил). 2001 йилда “Меҳнат шуҳрати” ордени билан тақдирланди.
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz
20 окт 2024
