Чи рӯзҳое ба сар дори муҳоҷир, Шаби ғурбат саҳар дори муҳоҷир. Зи бас, ки ҷои хобат дар Ватан нест, Биму тарсу хатар дори муҳоҷир. Бароят рӯзу шаб фарқе надорад, Шабат ҳар ҷо саҳар дори муҳоҷир. Агар чи дори ду дипломи олӣ, На касбу на ҳунар дори муҳоҷир. Туро инҷо нашносанду надонанд, Ту аммо даст ба бар дори муҳоҷир. Валекин байни ин худбехабарҳо, Худоро ту хабардори муҳоҷир. Ба ёди модари раҳинтизорат, Ҳамеша чашми тар дори муҳоҷир. Сарат дар болини қу, хоб надорӣ, Дили бедор ба бар дори муҳоҷир. Ба чашмони умед бар сӯи фардо, Назар дори, назар дори муҳоҷир.