Шымкентте кәсіп бастау үшін қайтарымсыз грант аламыз деген 100-ге жуық тұрғын алданып қалдық деп шу шығарды. Олар мемлекеттің грантын алып беремін деген адамға бір миллион мен он жеті миллион теңге аралығында санап бергендерін айтады. Енді не ақша, не грант жоқ деп сабылып жүр. Қазір аталған іс сотқа жетті. Сан соғып қалдық деген жұрттың талабын өңірдегі әріптесім тыңдап келді.
Көз жасы көл болған Фатима Жүсіпалиева Түркістан облысының тұрғыны. Үйіне келген танысы үш миллион берсең он миллион теңге кәсіп бастау үшін қайтарымсыз грант алып беремін деп қарызға батырып кеткен.
ФАТИМА ЖҮСІПАЛИЕВА, Түркістан облысының тұрғыны:
- Осы бала бір күнде шығарып береді. Ақшаны беруіміз керек. Басында құюымыз керек. Банк ашылып, ақша береді. Мен сізге азанда қолыңызға 10 миллион ұстатамын деді. Есікпен есік кіріп, займ алдырды ғой байым екеумізге. 8 жерден ба алдырды ғой. 170 мыңнан, 160 мыңнан.
Фатиманың күйін кешкен 150-дей адам бар. Барлығы жеңіл жолмен мемлекеттен қаражат алып, бизнес бастаймыз деп ойлаған. Бірақ жоспарлары жүзеге аспай, бір адамға алданып қалғандарын жеткізді. Грант алып беремін деген әлгі кісіге берісі бір миллион, әрісі он жеті миллион теңге санап беріпті.
ТҮРКІСТАН ОБЛЫСЫНЫҢ ТҰРҒЫНЫ:
- Бәрімізге грант шығарып берем деп айтты. Барлық жұмыс істемейтін туысқандарыңды тарта бер деді. Мен жарайды деп тартқанмын. Қазір мен елдің алдында жүре алмаймын. Қарабет болған адаммын. 17 млн ақша бергем мен оларға.
ШЫМКЕНТ ҚАЛАЛЫҚ СОТЫ БАСПАСӨЗ ҚЫЗМЕТІНІҢ АҚПАРАТЫ:
- Сотталушы жәбірленушілерге мемлекет тарапынан берілетін пәтерді және кәсіпкерлер бағдарламасы аясында берілетін қаражатты алып беремін деп алдап, жәбірленушілерден жалпы сомасы 11 780 000 теңге ақшаны заңсыз жымқырған деген айып тағылған. Қылмыстық іс 2023 жылдың 8 желтоқсанында өндіріске қабылданып, бірінші сот отырысы 2023 жылдың 22 желтоқсаны сағат 15:00-ге тағайындалған
Сан соғып, соқыр тиынсыз қалдық деген азаматтар берген қыруар қаражаттарын қайтарып беруді талап етеді. Ал айыпталушының қандай жазаға тартылатынын енді сот шешпек.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
16 окт 2024
