Слова: Гунга Чимитов
Музыка: Анатолий Андреев
Исп. Тимур Болотов
Гитара: Хэшэгто Бадиев
Слова:
Элдин дэлгэр уужам Буряадайнгаа
Эльгэн дээрэ тайбан нэмжыһэн,
Эгэтэмнай бидэ олоноо
Эхэ эсэгэдэл энхэрээ.
Эртэ сагһаа Яруунадамнай
Энхэ манай түүхэ эхилээ.
Дабталга:
Энэл даа, Эгэтын-Адаг,
Эжэл һайхан түрэл Хангира,
Ашата Маарагта нютаг,
Алад саагуур нэрэнь ханхинаа.
Байгал далайн наанаш, саанаш дуулаг:
Баян дэлюун Яруунадамнай
Байха бүхэ шэнги хүсэтэй
Баатарнууднай сууда гаранхай.
Гомбоевой хурдан улаандал
Гоё хүлэг морид түрэнхэй.
Дабталга
Үдэ голой хойто эрье дээрэ
Үнэн үгэ урдань заяагдаа -
Монголшуудай дээдэ гарбалтай
Молон баабайн найдал оршомой,
Түхэригхэн энэ Добомнай
Түбхинэхэнь мүнхэ болтогой!
Дабталга
Энэл даа, Эгэтын-Адаг,
Эжэл һайхан түрэл Хангира,
Ашата Маарагта нютаг,
Алад саагуур нэрэнь ханхинаа.
26 фев 2019
