O’g’lim, sen bilan umring davomida birga bo’lamanmi yo’qmi bilmayman. Bu maktubni boshi berk ko’chaga kirgan vaqting, dunyo ko’zinga tor ko’rinib, ko’zlaring yoshga to’lib o’zingni juda yolg’iz va ojiz his qilganingda eshitishing yoki o’qishing uchun senga qoldiraman.
Hali bor yo’g’i yarim yoshdasan. Sen onang bilan meni qo’limdagi mitti farishta. Hali ulg’ayasan, orzularing bo’ladi, intiladigan maqsadlaring bo’ladi, hatolaring ham bo’ladi. Hali bir necha bor yiqilasan. Lekin sen har doim tura olasan. O’zingni hech kimsasiz qolgandek his etarsan.
Faqat yodingdan chiqarma! Alloh yoningda bo’lsayu butun dunyo senga qarshi bo’lsa, zarracha axamiyati yo’q. Sen albatta yutasan, g’olib bo’lasan.
Ammo butun dunyo sen bilan bo’lsayu, Allohga qarshi borsang, aynan o’sha vaqt yutganlardan emas, haqiqiy yutqazganlardan bo’lasan.
Sarmoyang go’zal hulq bo’lsin, chiroyli odatlar va samimiy do’stlik bo’lsin.
Odamlarni deb noto’g’ri yo’llarga, noo’rin ishlarga yo’lboshchilik qilma, odamlar ichida yomon odatlarni boshlab berma.
Esingda bo’lsin, dunyo ahlini ko’pchiligi ziyondadir.
Ko’pchilikga aralashib o’zingni hor qilishdan va yolg’izlikga sig’inib o’zingni ado qilishdan uzoq bo’l.
Qalbingni bir tomoni Xiro, bir tomoni Makka bo’lsin.
Xiroga begonani yaqinlashtirmaganingdek, Makkani yolg’izlatib qo’yma.
Unutma, Alloh yolg’izlar bilan gaplashadi. Zero Habibimiz Muhammad Mustafo s.a.v. ga Xirodagi yolg’izlikga Robbim o’z oyatlarini keltirdi.
So’zlarim senga tasiyadan boshqa narsa emas. Ammo eng go’zal tavsiyalar Allohning oyatlaridir. Bir laxza bo’lsada unga qarshi chiqib qo’yishdan o’zingni tiy!
Alloh menga qancha umr bersa, qodir qilguncha seni musilmon qilib tarbiyalash yo’lidaman.
Lekin esingndan chiqarma, qiyomatda xisobni o’zing berasan.
Allohdan so’rab sen uchun Nuh a.s. dek yo’lboshchi bo’laman, lekin sen uni adashgan o’g’lidek bo’lma.
Senga Olamlar faxri bo’lgan Muhammad Mustafo s.a.v. ni yo’lini tugan va u zot bilan kundizlari safar qilib, tunlari suxbatdosh bo’lganlar huzuriga yetaklayman. Sen qaysarlik qilma. Ularni etagini tut va Nafsing jilovini ularga topshir.
Men senga faqat maslaxat bera olaman va yo’l ko’rsata olaman. Amaling esa o’zingni qo’lingda o’g’lim.
Kelajakda nimalar bo’lishini, dunyo senga qanday ishlarni tayyorlaganini bilmayman.
“Dada, sizga maslaxat berish oson, men yashaganlarimni ko’rmagansizku, men yengildim, hammasidan charchadim” deydigan kuning kelishi mumkin. Shunda bilginki, Alloh o’z qullariga ular ko’tara oladigan darajada og’ir yuk beradi. Yuking og’irm? Demak iymoning kuchli ekanki sinovlar ham og’irlashgan.
Dadangni so’zlarini tingla, sen Alloh uchun ojiz, dunyo uchun kuchlisan, sen meni o’g’limsan.
Seni du dunyoda joning og’risa, bizning ham jonimiz og’riydi.
Ammo yetilishing uchun pishishing kerak! Yiqil, yaralan, dars ol, kuchli bo’l, yuraging yonsin bolam! Yonsinki pishgin!
Men faqat oxirat oloviga tushishingdan ko’proq havotirdaman.
Mening doim qiladigan duoim bor. “Robbim, menga beradigan yaxshiliklaringga muxtojman.”
Chunki bildimki ne’mat bo’lsayu yahshilik bo’lmasa, unda bu bir mushkulaning boshi halos. Agar senga tashvish kelsayu yahshilik bo’lsa, unda sen dunyoning bu o’yinlariga tik qara.
O’g’lim, sen Ka’bada qilingan duoning xosilisan.
Robbim oldida meni sharmanda qilma. Xayotingning har bir onida yoningda bo’la olmayman, lekin yashar ekansan, xamisha sen bilanman. Meni Dadamni yuzlarini o’zida ko’rsatgan mittigina dadam. Aytganlarim doim yodingda bo’lsin.
RoviTalk - Ўзимдан Ўзимгача бўлган йўл...
Telegram: t.me/rovitalk
Instagram: / muslimholdarov
Telefon: 971320066; 970001166;
www.rovitalk.com
11 сен 2024
