Эсгий ширмэл нь Хүннүгийн үеэс уламжлагдан ирж, бидний өвөг дээдэс ахуйн хэрэглээндээ хэрэглэж байсан. Эсгий урлалыг ямар ч химийн хольцгүй цэвэр хонины ноосоор хийж, тэмээний ноосон утсаар ширж байгаа болохоор байгалийн цэвэр бүтээгдэхүүн. Ноосоо гараар цэвэрлэх зэрэг уламжлалт технологиор хийдэг. Тиймээс хэдэн үе дамжсан ч урагдахгүй бат бөх, ус чийг даахгүй, агаарын солилцоо сайн, дулаахан, дуу чимээ багасгадаг давуу талтай. Нэг өрөөгөө дан эсгий урлалаар тохижуулж, машин, буйдан дээрээ олбог тавьдаг болсон. Буйдангууд дандаа ледирин, савхин бүрээстэй байдаг учраас чийг их татдаг. Тиймээс хүмүүс буйдан дээрээ эсгий тавих нь их болсон.
Тэмээний ноосыг Баянхонгор аймгийн Баянлиг сумаас авдаг. Харин хонины нарийн ноосоо Булган аймгийн Орхон сумаас авдаг. Энд Монголдоо хамгийн нарийнд тооцогдох суурь ноостой хонь байдаг юм.
Эсгий бүтээгдэхүүнийг бохирдож, халтартсан үед нь угаалгын машинаар угааж болдоггүй. Угаалгын нунтаг, савангаар савандаад гараар илж угаана. Тэгээд цэвэр усаар зайлаад угаалгын машины сэгсрэгчинд хийж гаргаад толийтол нь татаж хатаахад л болно. Эсгий бүтээгдэхүүнийг индүүдсэн ч болдогоороо давуу талтай.
Би зориод ирсэн хүмүүст ширмэл урлалаа зааж өгнө.
Утасны дугаар нь 99047338
19 фев 2016
