Арпатлыларнынъ лехчесини ильк дефа эшиткенде къырымтатар тилининъ чешитлигине, зенгинлигине айретте къаласын. «Селям алейчим! - Алейчим селям! Хош джельдинъиз! - арпатлылар корюшкенде бойле айтар.
Биз эвге киргенде бизни «Джель, отур аврачыкъкъа», деп къаршыладылар. Сагълыкълашкъанда исе «Джене джельниз» дедилер. Демек, лакъырдыда «к» сеси «ч» сесине денъише (китап-читап); «г»-«дж» ола. Ялы боюнда асылында «кене келинъиз» дегиль де, «гене гелинъиз» дерлер. Арпатлыларда исе «Г» сеси «Дж» сесине чевириле.
Мына даа бир къач мисаль: чим билий - ким биле, тючан - тюкян, иджирми ичи - йигирми эки.
Эпимизге таныш бита, къартанагъа арпатлылар пукана я да тяптя дейлер. Келинге - джелин, киевге - чиёв, къадынгъа - аврат дениле. Эмдже, дайы, тизе, ала сёзлери исе оларгъа таныш дегиль. Оларнынъ ерине агъа ве абдя, абла айталар.
Арпат коюнде Мелек ады пек яйгъын. Белли адлар арпатлыларда бойле айтыла: Бекир - Бечир, Сакине - Сачне, Зекерья - Зечерья.
Арпат коюнде 83 яшында Мелек тяптя бизден сагълыкълашкъанда бойле насиат берди: «Ченди дилини, ченди миллетини унутмайджан!»
--------------
Неповторимый, уникальный в своём произношении арпатский говор не забудешь , если услышал хоть раз.
Наша поездка в село Арпат (ныне Зеленогорье) была составлена удивительным образом, совпадением встречи с местными неравнодушными жителями. Их гостеприимство, харизма и любовь к родной земле оставила у нас наилучшие воспоминания.
Предлагаем и вам окунуться в мир гармонии и любви к родному краю под названием Арпат!
Бизнен олунъыз!
#арманчыкъ #Къырым #къырымтатарлар #qırımtatarlar #anatili #Qırım
10 июл 2022
