"Тарих ва янги талқин" кўрсатуви
"Ўзбекистон тарихи" телеканали
Ўзбек мусиқа маданияти қадимий ва ранго-ранг, айни пайтда янги замон анъаналарини ўзида мужассам этган холда ривож топмоқда. Бунда аввало беназир халқ мусиқаси, мумтоз мусиқий мерос, миллий бастакорлиқ ҳозирги замон бастакорлиги, шунингдек халқ хаваскорлиги ҳамда жўшқин оммабоп эстрада ижодиѐти каби шаклан ва услубан нихоятда сержило жабхалар намоѐн бўлади. Истиқлол шарофати билан миллий-маънавий қадриятларимизга бўлган диққат-эътибор, унутилаѐзган анъаналаримизни тарихан қисқа муддат ичида қайта тикланиши, муттасил тараққий эттириш мақсадидаги янгиланиш, ислох этиш жараѐнларида устиворлик касб этди. Шунингдек қўшни ва узоқ хорижий мамлакатлар билан маданий-мусиқий алоқаларни ўзаро бойитиш йўлида ривожлантириш саъй-харакатлари ҳам долзарб ахамиятга эга бўлди.
Собиқ шўро даври мафкураси исканжаларида бурилган ўзбек мусиқа меросининг Шарқ халқлари анъаналари билан тарихий алоқалари янги босқичга кўтарилди ва ижодий хамкорликлар йўлга қўйила бошлади. Айнан шу маданий алоқалар, мусиқанинг илохий таъсир кучи ва ўзбек халқининг бой мусиқа меросининг аҳамияти ва мавқеини, унинг Шарқ мусиқаси билан муштараклигини назарда тутган Ўзбекистон Президенти И.Каримовнинг "Шарқ мусиқасининг жаҳон маданий меросида тутган ўрни бенихоя буюк... Бу мусиқа минг-минг йиллардан бери одамлар дилини поклаб, уларни руҳан юксалтириб келмоқда"1 деган сўзлари юқоридаги фикрлар исботидир.
2 окт 2021
