#армия #қазақстан #казахстан
Қазақстанның әскери әуе күштері Кеңес одағы ыдырағаннан кейін мұраға қалған 73-ші және 14-ші әуе күштерінің армияларына қарасты бөлімшелердің негізінде құрылды. Майдан авиациясында 300-ден астам әртүрлі мақсаттағы майдан ұшақтары болды. Қысқасын айтқанда Қазақстанға Ресей мен Украинадан кейінгі Пост-Кеңестік аймақтағы нөмірі үшінші әуе күштері мұраға қалды. Тоқсаныншы жылдары МиГ-21, Су-17 сериясындағы жеңіл жойғыштар, бомбалаушы ұшақтар қатты ескіргендіктен металлаломға жіберілді. Олардың утилизациялау жұмыстары 2000 жылдарға дейін созылды. 2005 жылдары МиГ-25РБ барлаушы ұшақтары кетті, 2010 жылы Су-24 жойғыш бомбалағыш ұшақтары қолданыстан шықты. Қолда бар МиГ-29, МиГ-27, МиГ-31, Су-25, Су-27 ұшақтарының тек шағын бөлігі ғана Украина мен Ресей, Беларусьтегі авиажөндеу зауыттарында капиталды жөндеу жұмыстарымен шектелді. 1992 жылы 300-ден астам майдан ұшақтары болған Тәуелсіз Қазақстанда 2012 жылы бар-жоғы 46 жойғыш ұшақ және 26 шабуылдаушы ұшақтар ғана қалды. Яғни 20 жылда әскери ұшақтар саны 4,5 есеге азайды. 2015 жылы осы тенденцияны шамалы тоқтату үшін Ресейден көпмақсатты Су-30СМ жойғыштары сатып алына бастады. Жалпы 40 шақты Су-30СМ сатып алынды. 2024 жылы қолданыста 24 Су-27, 30-шақты Су-30СМ жойғыштары мен 14 Су-25 шабуылдаушы ұшақтары қалды. Алдағы 5-10 жылда қолда бар Су-27 және Су-25тердің де ресурстық қолданыс мерзімі соңына келеді.
Қазақстанның әуе кеңістігін толыққанды қорғап, мықты қаруланған қарсыласқа лайықты қарсылық таныту үшін нақты қанша жойғыш ұшақ керек? Бұл сұраққа нақты жауап табу үшін жер аумағы Қазақстанмен шамалас немесе үлкен Аустралия, Бразилия, Канада, Алжир мемлекеттерінің әуе күштерін зерттедік. Иә, әрбір мемлекет өзінің экономикалық, саяси жағдайына байланысты бір-бірінен өзгешеленетін майдан авиациясына ие. Бірақ аталған елдердің бүгінгі және ертеңгі әуе күштерін дамытудағы жолдарынан бізге қажетті ортақ стандартты, эталонды жасауға болады.
#АрмияКазахстана #ҚазақстанӘскері #жаңалықтар #новости
26 сен 2024
