Қайынатамыз 60-жаста!🥳 

ӘКЕЖАН АЛПЫС ЖАСЫҢ МҮБӘРЕК! Жайнаған жаслығың, қалып алыста, Өмир де, ерисип... қатар табысқа, Шығып турған ардақлы жас алпысқа, Әкежан туўылған күниң мүбәрек! Ағайинлер менен мәсләҳәт қурып, Еки арыс теңдей бир сапта турып, Белгилеп атырған, елге той қылып, Әкежан юбилей жасың мүбәрек! Бир жерден шығады мудам ойларың, Жарасар, қатара жүрсең бойларың, Қутлы болсын: Анажан ҳәм Әкежан Елге берип атқан мүшел тойларың. Өмирдиң дүмпиўи жаныңа батып, Көрмедиң аяқты бир созып жатып, Бәрҳулла жүрдиңлер, екеўиң бирге, Хожалық арбасын теңине тартып. Улдан, қыздан, тоғыз ақлықты көрип, Жүзимдей мийўалап атырсаң өнип, Анам менен жетип, шаўлық көриўге, Гүжимдей турғайсыз саяңды төгип. Хызметиң де таққа ул хәм келиниң, Хүрметине, бөлене бер, елиңниң, Өмирден өз жолын таўып әўладың, Маңлай алды болсын қатар-теңиниң. Тойға мирәт етип қақсаң дабылды, Дос-яраның қасыңыздан табылды, Пирли мешит- тойханада айтылған, Халқым дейди: көп тилеги қабылды. Дәўлет қусы таңлап басыңа қонсын, Үйлериң бәрҳама шадлыққа толсын, Алтын басың аман болып Әкежан Тойларыңның изи даўамлы болсын. Бес мүшел жасыңда дәрьядай тасып, Анам менен талай... асыўдан асып, Әкежан турғайсаң өмир жасыңның, "Жүз" дейип аталмыш тасларын басып. Қатар-қурбың менен дәўранды сүрип, Анам менен бирге теңине турып, Отырғайсаң саўлат төгип Әкежан, Үйимиздиң төринде салтанат қурып. Илҳәм атын минип бүгин йошайын, Тойыңызға аз-кем, үлес қосайын, Тоянамды қабыл алың Әкежан, Баязымның бәнт басарын басайын.

Атаңа разговор жоқ Мейірман, құтты болсын жасы!