«Құйын-86» операциясымен қазақ жастарының өз елінің құқын қорғай шыққан көтерілісі асқан қатыгездікпен басып-жаншылғанына 33 жыл толды. Сол тұста небәрі 16-17 жасқа ғана толған жастардың көбі қыршын кетіп, әдемі бұрымдары сұм солдаттың білегіне оратыла омақаса құлап, көтеріліске денсаулығын берген қаншама қазақ қызы бүгінде елуден асты. Кейбірі мүгедектік зейнетақысына күн көріп жүрсе, әкесі де, шешесі де желтоқсаншы жанұялардың балалары басқаның босағасында пәтер жалдап жүр. Елінің егемендігін бір табан болса да жақындату үшін қанды алаңға екі күн қатар шығып, соққыға жығылған кейбір желтоқсаншы бала-шағасымен жертөледе өлместің күнін кешуде. Әрине, олар өздері айтқандай, алаңға бастарының қамы емес, елінің ертеңі үшін шыққан болатын. Бірақ олардың сол ертеңі - еліне тәуелсіздік алып бергенімен, өз бостандығы басқаға бодан. Өзінің үйі болмағандықтан, күйі де нашар.
#сөздің_шыны_керек #ирина_советжанқызы #irina_31tv
25 июл 2024
