Қаратау арқары қуысмүйізділер тұқымдасына жататын аң. Тек Қаратауда ғана таралған. Осы таудың солтүстік-батысында қаратау арқары мекендейді де, оңтүстік-шығыс бөлігінде қаратау арқарымен бірге қыс айларында Талас Алатауынан қоныс аударып келген Тянь-Шань арқары да кездеседі. Қаратау арқарының 3,5 жастағы құлжасының салмағы 70 келі, мүйізінің ұзындығы 70 - 71,5 см, жота жүні қоңырлау келеді. Үйірімен топтанып жайылады. Негізінен таулы аймақтың жазықтау алаңдарында тұрақты мекендейді. Жиі-жиі қоныс аудармайды. Қазан - қараша айларында күйекке түсіп, сәуір - мамыр айларында ешкісі қозықа табады. Егіз табатындары сирек кездеседі. Қаратау арқарының саны өте аз. 1970 жылы Қаратаудың солтүстік-батысында арқар саны 150 - 250-дей болды. Қазір олардың саны 700-ден асып жығылады. Саны өте азайып бара жатқандықтан қорғауға алынып, Қазақстанның «Қызыл кітабына» еңгізілген.
Жаңа бағдарламаны жіберіп алмау үшін, біздің арнаға жазылыңыз
Біздің сайт: turantv.kz/
Әлеуметтік желілеріміз:
instagram: /
Facebook: web.facebook.c...
VK: turan_tv
29 сен 2024