Осыдан тура ширек ғасыр бұрын Қазақстанның мұнай және газ саласында маңызды оқиға орын алды. 1997 жылы қараша айында «Карачаганак Петролиум Оперейтинг Б.В.» консорциумы мен Қазақстан арасындағы қарым-қатынасты реттейтін құжат - өнімді бөлісу туралы түпкілікті келісімге қол қойылды.
Қазіргі таңда Қарашығанақ мұнай, газ және конденсат кен орнының ойдағыдай игерілуі жоба бойынша серіктес компаниялардың жинақтаған заманауи технологиялары мен озық тәжірибесін Қазақстан Республикасымен бөлісуімен тығыз байланысты: Серіктес компаниялар құрамына Eni, Shell, Chevron, Лукойл және «ҚазМұнайГаз» ҰК» АҚ кіреді.
Қарашығанақ - Қазақстандағы мұнай мен газ өндіру көлемі мен динамикасы бойынша көшбасшылардың бірі. Ең озық өнеркәсіптік технологияларды қолдану арқылы кен орнын игеру ел экономикасы үшін үлкен экономикалық пайда әкеледі.
Қазақстан мен инвестор компаниялар арасындағы өнімді бөлісу туралы түпкілікті келісім 2038 жылға дейін жасалды. Бұл алда әлі атқарылатын жұмыс көп деген сөз. Әлеуметтік міндеттемелерді жауапкершілікпен орындайтын әріптестікті қолдай отырып, КПО Қазақстан Республикасының және жоба бойынша серіктестердің игілігі үшін жаңа өндірістік биіктерге ұмтылуды жалғастыра береді.
20 сен 2024
