Пайғамбар (с.а.с.) мешіті Мәсжид-үн-Нәби (араб.: المسجد النبوي) - бұл қасиетті Мәдине қаласында орналасқан. Ол қасиетті Меккедегі әл-Харам мешітінен ( Мәсжид әл-Харамнан) кейінгі екінші қасиетті мешіт (үшінші маңызды мешіт - Әл-Ақса мешіті).
Алла елшісінің (с.ғ.с.) мешіті - Меккедегі әл-Харамнан кейінгі ең абзал мешіт. Әл-Харамда оқылған бір намаз жүз мың намаз сауабына тең болса, Пайғамбар мешітіндегі намаз мың намаз сауабына тең. Әбу Һурайра (р.а.) «Менің мешітімде оқылған намаз, әл-Харам мешітінен басқа мешіттерде оқылған намаздан мың есе қайырлы»(Бұхари, Мүслім) деген хадис риуаят еткен.
Сондай-ақ: «Тек үш мешітке арнайы зиярат етіледі: әл-Харам мешітіне, Алла елшісі (с.ғ.с.) мешітіне және әл-Ақса мешітіне»(,деген (Бұхари, Мүслім).
Қасиетті Мәдинадағы нұрлы мешіт жайлы айтылар құнды деректер өте көп. Бұл мешітте Мұхаммад (с.ғ.с.) пайғамбар және оның сенімді серіктері Әбу Бәкр мен Омар (р.а.) халифтер жерленген. Сол оқиға және өзге де тарихи деректер жайлы “Нұр-Қазақстан” қажылық компаниясының Президенті тәжірибелі исламтанушы ұстаз Аманкелді Еренғайып қажылар тобына әңгімелеп берген еді.
Сіз де тыңдап, пікір қалдырып, бөлісе отырыңыз! Алла разы болсын🤲
06-16 ақпан 2023 қажылық тобы.
#умра #қажылық #қасиеттімешіт #Мәдинақаласы #Пайғамбар #Пайғабармешіті #нұрлыМәдина #Төртхалифа #СұлтанБейбарыс
31 мар 2023
